4>30 EX S. G. RITUUM

nuar. anno MCCCGXII edita est piissimis parentibus atque in humili fortuna constitutis. Adolescentula domesticis curis intenta, saepe etiam paterno custodiendo gregi, delituit in Deo, vacans orationi plurimum in sui oppidi templo. Singulari quoque in proximos caritate flagrans invisebat aegrotos, afflictos releva- bat, aliorum necessitatibus tanta liberalitate occurrebat, ut ali- quando suo se lecto privaret, ne fessis itinere quietis copia deesset. Hoc umbratilis vitae genus retinuit usque ad annum aetatis suae XVIII.

Erant eo tempore Galliae res inclinatae maxime, ob extur- batum avito regno Carolum VII eundemque coactum ad sui principatus australes partes confugere. Ubi, pressus ab Anglis, Britannis, Burguntionibus, imminutis eius exiguis copiis, locis- que munitis huc illuc expugnatis, vix regium retinebat nomen. Iamque Aurelianorum ad moenia totius impetus belli constite- rat, eamque urbem Angli sperabant ianuam fore, qua effracta et revulsa, tota sibi ad victoriam Gallia pateret.

Extrema in hac fortuna belli, cum iam vel acérrimos du- ces animus consiliumque deficeret, constitit reipublicae salus in foemina. Huic, ante annos quatuor, obiecta per quietem fue- rat Michaelis Archangeli species cum caelestium aligerum in- genti multitudine, voxque audita principis aethereae militiae praecipientis ut Aurelianam ad urbem properaret duceretque Carolum, regem Rhemis consecrandum. Obstupuit primo puella; sed iteratis diu visis ac vocibus, adiectisque deinde caelesti Duci sanctis virginibus Catharina et Margarita, divinis monitis audientem se praebuit, suamque Deo virginitatem, quasi obe- dientiae pignus, devovit. Ac multum quidem eam exercuit ar- cani celandi prudentia; multum postea, res comperta parenti- bus. Quibus omnibus tandem aliquando superatis, ab avúnculo, sic ipsa flagitante, Valliscolorem, ad Robertum de Baudricourt praefectum deducta est. Hic primum risu excepit puellae con- silia; inde secum reputare, mox diem ex die ducere; ad ulti- mum, omni abrupta mora, armis indutam cum equis et mili- tum comitatu iussit coram rege se sistere. Quem cum Vene- rabilis Ioanna convenisset eique ad aurem secreta quaedam revelasset, praeter ipsum nota nemini, facta illi potestate, cum exercitu Aurelias profecta est.

Urbem ingressa, atque impetu terribili hostes insecuta, ob- sidionis opera singula deiecit, perruptisque munitionibus, vexil-