Ex S. Congregatione Concilii

pretium, expensis pro redemptione deductis, posse adstringi,

iuxta ea quae in Monitore ecclesiastico (Cons. 74, pag. 360,

vol. 2) leguntur. Iamvero parochus negat compositionem lo-

cum habuisse, cum nulla iusti pretii traditio Episcopo facta

fuerit. Et quidem cum ipsa tum Episcopum tum paroeciam

tum ipsos patronos respiciat, ordinarie evenit ut de ea sive

in Cur ia , sive in parochialibus reges t is , sive ab iisdem pa-

tronis exemplar servetur; atqui in casu nihil omnino invenitur.

Praeterea parochus extare ait documentum ab ipsa Maria Ca-

protti exaratum, quo tum pecuniae summa ab alienatione bo-

norum Bripii percepta, tum quomodo eam ipsa Maria impen-

derit declaratur, adeo ut clare appareat nullam ipsius pecuniae

summam Episcopo uti iustum pretium fuisse traditam, nec

ullam proinde habuisse locum compositionem.

Neque moralem de eadem compositione certitudinem ad-

mitti posse contendit, cum nullum ex tribus patronis a funda-

tore descendentibus eam peregisse constet, sed tantum Mariam

Caprotti , quae minime regulae obtemperavit ab eadem Curia

an. 1869 praescriptae. Quoad testes ab adversariis allatos ob-

servat, eosdem alio tempore contrarium testatos fuisse. Item

addit immerito Curia Mediolanensis insimulatur de negligentia

in asservando eiusdem compositionis documento; nam prae-

terquamquod id quolibet destituitur fundamento, iniuriamque

sapit, refellitur a quadam declaratione ipsius Vicarii Generalis

die 29 Iulii 1904 data. Frustra etiam ait ad aequivalentem

compositionem confugi ; licet enim familia Caprotti sua bona

piis instituendis operibus impenderat, recolit tamen quando

de iurepatronatus agitur, beneficium integrum manere debere,

adeo ut neque ipse Episcopus idem immutare possit. Neque

meliori omine effingere adversarios Pontificium obtinuisse

rescriptum, postea ab ipsis deperditum. Animadverti t siqui-

dem praesumptionem concessionis Apostol icae non admitti,

minimeque aequum esse iuxta Conc. Tr id . (Sess* 2f, cap. 9,

de Reform.) patronorum iura tollere, quae ideo strictam pa-

tiuntur interpretationem.