Acta Pii Pp. XI 431

pori consentaneum, quam in memoriam fidelium revocare, praenobilem

istam civitatem christianae religionis praesidio ortam esse civilisque eius

vitae primordia sub tutela Deiparae collocata? Quid populo utilius, quam

Matrem cum Fil io honoribus laudibusque consociare, quandoquidem

Iesus « omnia nos habere voluit per Mariam »? His itaque causis consilia

et studia Episcopatus de Paraguay peculiari animi laetitia prosecuti

sumus; immo celebrationem proximam participare Ipsimet cupientes,

per Legatum Nostrum eidem adesse ac praeesse constituimus. Quamob-

rem te, Dilecte Fili Noster, qui praeclarissimae Ecclesiae Bonaerensi

pastorali munere praepositus vicinitate ac necessitudine cum Ecclesia

Paraguariensi arcte devinciris, quemque ob eximia promerita ad amplis-

simum Senatum Nostrum cooptare voluimus, per has Litteras, ut iam

ante nuntiavimus, Legatum Nostrum deligimus ac renuntiamus, ut Con-

gressui Eucharistico Nationali, qui in Assumptione de Paraguay proximo

Augusto mense peragetur, nomine Nostro Nostraque auctoritate praesi-

deas, eiusque sollemnibus coetibus sacrisque caeremoniis modereris. Cer-

tam autem spem concipimus ac fovemus, te, pro tua Pastoris sollicitudine

atque erga Sanctissimam Eucharistiam pietate, nobilissimum eiusmodi

munus sedulo ac fructuose exsecuturam. Fausta ipsa celebritatis adiun-

cta, quae supra memoravimus, animos profecto addent fidelibus, ut

maiore in dies alacritate gloriosam patrum religionem tueri ac profiteri

velint, id potissimum rati, probatissimos Ecclesiae filios exstare optimos

cives, validissima Reipublicae auxilia ac laeta incrementa afferentes.

Omnia denique secunda et prospera a Deo per Mariam tibi apprecantes,

in gratiarum caelestium auspicium atque praecipuae caritatis Nostrae

pignus, Apostolicam Benedictionem tibi, Dilecte Fili Noster, sollerti

Episcopo Ss. Assumptionis ceterisque de Paraguay Praesulibus, cun-

ctisque iis, qui Congressioni aderunt, amantissime in Domino imper-

timus.

Datum ex Arce Gandulphi apud Romam,, die x x v n mensis maii, in

festo Ss. Corporis Christi, anno MDCCCCXXXVII , Pontificatus Nostri sexto

decimo.

P IUS PP . XI