432 AQUÉN.

in dubium fuit revocatum. Etenim ut habet I. i, init. ff. de pactis, nil magis humanae fidei congruit quam verba et promissa quae iam placuere serventur, a quibus profecto in casu sacerdos Gaglione resilire non posset. « Sicut initio li- bera potestas unicuique est habendi vel non habendi contra- ctus, ita renuntiare semel constitutae obligationi, adversario non consentiente, nemo potest »: L. sicut 5 Cod. de obligat, et nat. Quibus omnibus addi posset, conventionem initam fuisse postquam partes controversiam instituerant, ideoque et transactionis naturam induere videtur, quae, ut pragma- tici loquuntur, omnia priora iura et actiones extinguit et est in aevum servanda.

Post haec apparet et restitutionem summae usque adhuc vi praefatae conventionis pro taxis detractae, quam sacer- dos Gaglione a S. O. O. petit, a parocho Negri denegari. Admisso enim legitimo iure huius detractionis, cum non am- plius illi summae indebite soluti qualitas inesset, nulla actio ad eamdem repetendam dari posset. Ceterum observat paro- chus se transactione fretum, non modo bona fide omnes be- neficii fructus consumpsisse, sed etiam aere alieno ob causas inferius dicendas praegravari, ideoque ad quamcumque solu- tionem modo imparem esse.

De reconventionali libello animadversum fuit tralatitium in iure esse, adversus Apostolicas Literas oris aperitioni lo- cum fieri, si ad illas obtinendas quid necessarium non fuit expressum, vel si quid falsum allegatum: Cap. Super Ute- ris de Rescriptis. Hoc posito contendit archipresbyter Negri pensionem libellarum 600 fuisse beneficio paroeciali loci Tri- sobbio impositam, tum quia merita sacerdotis Gaglione in il- lius reditibus augendis exaggerata fuerunt, tum quia falso eosdem reditus ad tria millia libellarum pertingere expositum fuit. Et quod primum attinet, haud negat aliquam pecuniae summam in operibus perficiendis a sacerdote Gaglione fuisse impensam, at praeterquamquod inutile opus evasit, id per- fectum fuit « alienando la rendita dei legato Boccaccio rap- » presentante il capitale di L. 2000 incirca. > Sumptus au-