433

EPISTOLA ad Archiepiscopos et Episcopos, aliosque locorum ordinarios in regione Sicnla.

L E O P P . XI I I .

VENERABILES FRATRES ET DILECTI F I L I I

»ALUTEM ET APOSTOLICAM BENEDICTIONEM.

Sicut multa • audacter et insidiose ii susceperunt, qui de pernicie catholici nominis iamdiu cogitant: ita nominatim videntur decrevisse, vim quamdam popularis invidiae in Pontifices maximos excitare. - Quod quidem ipsorum consilium quotidie magis illustratur et erum- pit. Omnem enim occasionem vituperandorum Pontificum datam avide arripiunt, non datam studiose captant : incorruptis rerum gestarum monumentis posthabitis, fictos sermones dissipant : falsa crimina , tamquam venenata tela iaciunt, tanto effraenatiore ad audendum li- centia, quanto est impuni tas maior. In qua male dicendi consuetu- dine aliud quippiam propositi inest, praeter contumeliam : videlicet huc plane spectant homines improbi, ut e persona Pontificum Ro- manorum ad ipsum Pontificatum, divinitus institutum contumelia perveniat, adductisque in contemptionem summis Ecclesiae Princi- pibus, Ecclesia ipsa , si fieri possit, opinione hominum iudicioque damnetur. - Harum machinationum triste ad recordationem docu- mentum extremo mense martio Vos,'Venerabiles Fratres et Dilecti Fi l i i , Panormi vidistis. Nec tacita esse potuit indignatio vestra : significationem eius luculentam et nobilem, qualem ab Episcopis ex- pectari oportebat, ad Nos per litteras, officii plenas, deferendam cu- ravistis. Profecto illae iniuriae praeter modum graves fuere, ut qui ex constituto Panormum convenerant, coniiciendis certatim probris in Pontifices Romanos visi sint convenisse. Ne ulla quidem vere- cundia religionis fuit , quam Siculi homines ab avis et maioribus sancte inviolateque conservant, quaeque est atrociter dictis lacessita, in quibus ipsam agrestem immanitatem nemo probus ferre aequo animo potuit. Quantus harum rerum inustus animo Nostro sit dolor, coniecturam ex dolore vestro singuli facite. Nihil enim tam lamen- tabile est, quam publice licere Ecclesiae maiestatem sanctitatemque

Acta, Tom. XIV. fase. GLXVI. 28