434 SUSPENSIONIS

randum tum ad suam conscientiam componendam spiritualia exer-

citia octo dies

Theologus obedivit quoad suspensionem, sed non item quoad

spiritualia exercitia, rationes adducens, quae ipsum potius con-

demnassent si sanioris fuisset ment is ; inquiebat enim se iudicio

plene deliberato ea dixisse, seque sperare fore, ut ea quae di-

xerat essent in posterum profutura; seque reum non esse cum

eximium officium implevisset praedicandi super tecta etc. Cum

igitur obedire adhuc detrectaret, suspensus fuit plene a Divinis

et ab ingressu chori in cappa canonicali.

Nihilominus, intercedente Vicario Generali, qui antea fuerat

Vicarius Capitularis, Episcopus praeclarum dedit exemplum suae

pastoralis indulgentiae. Namque Decretum edidit die 6 Aprilis

his verbis: « Te canonicum (N) a censuris quas infliximus, li-

» beramus et solvimus et iurium tuorum exercitio restituimus.

» Memineris tamen, Nos te solvere non posse ab obligatione

» qua teneris vi legis Divinae reparandi scandalum gravissimum...

» Et quousque hanc reparationem non dederis, tibi nunquam

» facultatem dabimus absolvendi a peccatis, quapropter care-

» bis : neque consueta amicitiae signa, quae aliis Canonicis et

» Sacerdotibus damus tibi dare poterimus. » In memoriam eidem

revocavit non posse a Confessariis absolvi quin satisfaceret obli-

gationi reparandi scandalum.

Haec obligatio reparandi scandalum ita declarata, visa est eius-

modi Canonico illi, ut frustraneam redderet absolutionem a cen-

suris, ideoque se abstinere perrexit ab ingressu chori.

Denique, in irritum cessis etiam fraternis Canonicorum con-

siliis ut Episcopi mandatis plene pareret , preces convertit ad

S. C. Ep. et Reg. ut irritis declaratis suspensionis Decretis eidem

restitueretur praesentia in choro cum ex facto non proprio sese

abstinuerit, atque r e i n t e g r e t u r in exercitio omnium iurium

prouti ante suspensiones gauderet.

Servatis itaque de more servandis causa sub infrascriptis du-

biis proposita est coram S. Congregatione.

D i s c e p t a t i o s y n o p t i e a .

EA QUAE ANIMADVERSA SUNT PRO THEOLOGO. Licet post absolutionem a censuris superfluum in praesentia fuisset de earundem validi-