434 , REGIEN.

Itemque Benedictus XIV const. Cum semper oblatas com- memorat ac vult « ut quotidie missa conventualis, in eisdem, collegiatis ecclesiis, canatur; » imo ut iuxta rubricas « non » una sed binae atque etiam aliquando tres missae conven- » tuales uno die celebrentur. » Congruit recepta communis- que praxis, et, quod magis est, constans S. C C . disciplina.

Verumtamen negari non potest, quod si iustae adsint causae, ab hoc canonum praescripto dispensatio dari pos- sit. Sic in Firmaría 7 Iunii 1848, in Berthonen. 12 Se- ptembris 1829, confirmata die 27 Iulii 1844 (apud Lucidi tit. 1, p. 340, n. ed.) in Vcntimilien. 20 Decembris 1851 aliisque non paucis concessum est, ut secunda et tertia missa sine cantu celebretur.

Insuper S. R R . C. decreto 12 Novembris 1831 apud Gardellini n. 4669 ad 20 a missa conventuali canenda ipsis diebus festis, quoties in cathedrali Episcopus missam ponti- ficalem celebret, canonicos dispensavit. Quapropter dubitari non potest quod quoties iusta adsit causa ab hoc onere ca- pitulares eximi possint.

Imo, quando canonici exiguis potiuntur praebendis, S. C. C. solet, ipso Benedicto XIV in sua constitutione Cum semper oblatas approbante, « perspecto rerum statu, quoti- dianam applicationem conventualis pro benefactoribus in ge- nere ad festos tantummodo dies reducere. > Cuius indulti exempla non desunt, ceu in Brugnaten. Missae conventualis 22 Maii et 26 Iunii 1830, Civitatis Plebis 24 Aprilis 1830, Hydruntina 3 Martii 1860 et in Clodien. 4 Aprilis 1846.

Porro, a minori ad maius arguendo, si ex iusta causa licet et solet ipsa missae conventualis applicatio ad dies fe- stos limitari, a fortiori concedi poterit, ut, firma manente applicatione, celebratio cum cantu ad festos dies coarctetur.

Utrum vero in themate iustae huiusmodi causae habean- tur, et praesertim utrum hae tales sint quae suadeant dum- taxat ad dies festos de praecepto cantus obligationem esse urgendam, sapientiae EE . P P . definire remissum fuit ex iis quae in specie relata sunt.