Matrimonii 435

perpetua, antecedens, absoluta et insanabilis. Adest insupera-

bilis animorum aversio, et incontinentiae periculum ex parte

mulieris in floridissima aetate constitutae.

VINDICIS M A T R I M O N I I ANIMADVERSIONES . Neque sacramenti

iura, neque iudiciorum religionem servata fuisse hac in per-

tractanda quaestione, censuit matrimonii vindex ; eoquod abfuerit

regularis ordo et religiosa observantia pro nullitate matrimonii

declaranda ; minus autem pro dispensatione obtinenda. Neque

insanabilis ac perpetua impotentia viri explorata est; neque

validum de inconsummatione matrimonii suppeditatur argumen-

tum, neque postremo congruum ac necessarium temporis spa-

tium, iuxta sacrorum canonum observantiam ad propriam

exprimendam idoneitatem concessum est marito. Unde nec

pro nullitate coniugii, de quo agitur, nec pro eiusdem dispen-

satione diiudicandum esse contendit.

Actorum enim processus, ait ille, absolutus fuit atque a

Curia Episcopali C. iudicium redditum, quin coniugum petitio,

Summo Pontifici offerenda, conscripta et signata fuerit ab eis-

dem coniugibus. Quod omnino requiritur a Benedictina Dei

miseratione : « Volumus atque mandamus ut supplex libellus

Nobis vel Romano Pontifici pro tempore exhibeatur, in quo

plena et accurata totius facti species contineatur, causaeque

omnes in eo exprimantur, quae ad obtinendam petitam dispen-

sationem conducere posse a supplicante censentur ».

Curia insuper Episcopalis incidit in defectum etiam maio-

rem, cum ad adstruendam matrimonii inconsummationem,

utriusque coniugis corporalem explorationem nullo ordine,

nullaque diligentia communitam admisisset. Cum enim ex con-

formatione virilium non potuerit erui impotentia Ioannis, iam

sponte sua necessitas exurgebat ut diligenti explorationi mu-

lieris corpus subiiceretur, quo magis de eiusdem integritate

constaret, iuxta instructionem S. C. Concilii anni 1840. Ex

relatione medicorum eruitur tantum testimonium de mulieris

statu probabiliter incorrupto. Quapropter quum omnes praeter-

missae fuerint praedictae Instructionis praescriptiones, nedum