EX S. G. INDULGENTIARUM 435

S. Francisci per Breve Quia multa diei 7 Septembris 1901 ; et ad mentem. Mens autem est, ut Rmi Patres Generales Ordi- num Religiosorum, qui Tertium Ordinem habent, huic S. Con- gregationi exhibeant novum Summarium illarum Indulgentia- rum, quas pro suis Tertiis Ordinibus obtinere cupiunt ».

De quibus omnibus facta relatione SSmo Dno Nostro Leoni PP. XIII. ab infrascripto Cardinali Praefecto in audientia ha- bita die 18 Iulii 1902, Sanctitas Sua resolutiones Emorum Pa- trum confirmavit, easque executioni mandari iussit.

Datum Romae ex Secretaria eiusdem S. C. die 18 Iulii 1902.

S. C ARD. TRIPEPI, Praefectus. L. & S.

Pro R. P. D. F RANCISCO, Archiep. Amiden., Secret.

Iosephus M. Can. COSELLI, Substitutus.

URBIS ET ORBIS

Indulgentia 50 dierum adnectitur iaculatoriae « Deus sit benedictus ».

Solent pii Christifideles, dum blasphemias in Deum, vel Deiparam Virginem aliosve Sanctos proferre audiunt, ut aliquo modo tantam impietatem réparent, Sancto Dei Nomini benedi- cere hac iaculatoria prece : « Deus sit benedictus ! » (Dio sia be- nedetto!). Quae piissima praxis ut magis magisque propagetur, SSmo Dno Nostro Pio PP. X. preces porrectae sunt, ut fidelibus praedictam orationem iaculatoriam pronuntiantibus aliquam In- dulgentiam elargiri dignaretur.

Et Sanctitas Sua, in audientia habita die 28 Novembris 1903 ab infrascripto Cardinali Praefecto Sacrae Congregationis Indul- gentiis Sacrisque Reliquiis praepositae, preces benigne excipiens, Indulgentiam quinquaginta dierum concessit, defunctis quoque applicabilem, toties a Christifidelibus lucrandam, quoties iidem, blasphemias audientes, corde saltem contrito ac devote eandem iaculatoriam precem pronuntiaverint. Praesenti in perpetuum valituro. Contrariis quibuscumque non obstantibus.

Datum Romae ex Secretaria eiusdem Sacrae Congregatio- nis, die 28 Novembris 1903.

A. C ARD. TRIPEPI, Praefectus. L. t$¡ S.

T F. SOGARO , Archiep. Amiden., Secret.