436 GOMEN.

lunt examinari. > Quod pluries et S. C. C. declaravit, et deinde confirmatum est a Summis Pontificibus Clemente XI Uteris diei IO Ianuarii 1721, et Benedicto XIV Const. Cum illud - ibi - « publico evulgetur edicto notitia concursus, quo omnes clare et aperte moneantur. > Ex quibus omnibus fas esset concludere ad mentem Garciae De beneficiis p. IX cap. 2 n. 209 : quando de iure nullum adest impedimentum quominus aliquis ad concursum admitti possit, non erit in potestate Episcopi talem non admittere, nec videtur valere constitutio Synodi dioecesanae vel provincialis, qua ius tale quaesitum perimatur vel imminuatur. Neque forsan dici pos- set in casu maiorem vim dioecesanae legi tribuisse Supre- mae Auctoritatis approbationem. Nam praeterquamquod age- retur de approbatione in forma generica, quae ad dispositio- nem a communi iure exorbitantem nequiret extendi, perpen- dendum est ibi de concursibus ad beneficia Supremo Principi reservata expresse mentionem haud fieri, ideoque illa verba utpote odiosa esse strictim interpretanda. Quoad necessita- tem vero extensionis legis, uti unicum medium pro minus piis sacerdotibus ad frequentandos spirituales secessus, ob- servari posset et alia media, verbi gratia poenarum canoni- carum comminationem, praesto esse Episcopo ad finem suum semper et efficacius assequendum.

QUAE FAVENT PETITIONI ORDINARII. Nihilominus animad- vertendum est Benedictum XIV in citata Constitutione Cum illud absque ullo discrimine beneficia parochialia S. Sedi reservata legi concursus subiecisse, atque idcirco iis etiam particularibus legibus quae in singulis dioecesibus praefatos- concursus moderantur. Cum igitur in themate agatur de Edicto ab Episcopo, audito capitulo, promulgatum, et, proinde iuxta doctrinam eiusdem Summi Pontificis De Synodo dioe- cesana robur constitutionum Synodalium obtineat, haud du- bitandum videretur sub illius praescriptione omnes et sin- gulos concursus pro paroeciarum provisionibus comprehendi. Eo vel magis quod ipsa S. Tridentina Synodus loc. cit. ali- quatenus rem Episcopi prudentiae aut Synodi provincialis