TRANSACTIONIS 437

anno 1833 , ad tutelam onerum, inscripsit super fundos consti- tuentes dotem Beneficii hypothecam, pro sorte 12 millium li- bellarum.

Hypotheca haec semper, tempore utili, renovata est et ultima vice die 17 Iulii 1876, dum bona constituentia Beneficii dotem maxima ex parte alienata essent a fratribus Gorresio et existè- rent penes tertios possessores. In tali rerum statu fratres Gor- resio mense Maii 1876, in iudicium vocarunt Parochum coram tribunali civili, ut eum adigerent ad delendam, suis sumptibus, hypothecam indebite, ut ipsi aiebant, inscriptam. Parochus e contra nedum praetensionibus fratrum Gorresio obstitit, verum etiam eosdem reconvenit petens a tribunali, ut declararentur obligati ad onera beneficii adimplenda, quod nisi exequerentur, Parochus, eorum sumptibus, ea adimplenda curaret.

Res ita sese habebant cum ad transactionem devenerunt, qua constitutum fuit: 1. quod fratres Gorresio cedunt Ecclesiae parochiali reditum biscentum libellarum, inscribendum in libro publici debiti Status. 2. Qua de re Parochus permittit ut hypo- theca deleatur. 3. Ecclesia parochialis onus assumit sibi recitare faciendi duas Missas in quolibet mense, pro anima fundatoris beneficii; et erogandi, quod ex reditu superest, in sacrum Ora- torem, praecipue pro Quadragesima aut pro mense Maio, Bmae V. Mariae dicato.

EA QUAE TRANSACTIO?» OPPONUNTUR. Propositae transactionis

approbationi obstat 1. voluntas testatoris, qui ipsa bona quolibet sub- praetextu permutare prohibuit : et fundatoris voluntates, quae legis locum obtinent servandas, minime vero destruendas esse iura solemniter proclamant in Can. Ult. vot caus. 13 q. 2, L. 1 Cod. de Sacros. Eccl. Obstat 2. deficientia fundamenti transactionis, quae nonnisi de re incerta ac dubia fieri potest, quod tam necessario requiritur, ut si fiat de re certa, ipso iure nulla ac irrita sit. Lex. 1 ff. de transact. Lex 11 Cod. eodem. Iamvero certum est, et ipsi fratres Gorresio id ultro admittunt, eosdem teneri ad satisfacienda onera realia adnexa beneficio