EX SEGRETARIA BREVIUM 457

nuntiavit. Quare rectores civitatis cito convocati statuerunt Ber- nardinum Realini de civitate optime meritum sibi patronum coelestem adsciscere cunctis suffragiis. Id cum Bernardinus re- scivit, promisit se Lycienses quos mirifice dilexit in terris, vali- diori caritate amaturum a coelo. Vexatione interea peresus intestini morbi Sacramentis refectus est, postea quasi longa peregrinatione defessus placide obdormivit in Domino. Magna interea cum iam esset virtutum commendatio tum post eius obitum aucta magis est ac latius diffusa. Quapropter fe. re. Leone XII Decessore Nostro Pontifice Maximo longo interiecto temporis spatio et post multas rerum vices absolutis omnibus quae in huiusmodi iudicio erant necessaria in Congregatione Cardinalium sacris Ritibus Praepositorum disceptari coeptum est de virtutibus quibus venerabilis Bernardinus Realini Socie- tatis Iesu inclaruit easque de eiusdem Congregationis assensu heroicum attigisse culmen declaravit idem Praedecessor Noster Leo XII pridie Kalendas sextiles anno MDCCCXXVIII. Postea quae- stio agitata est de miraculis quae venerabili Bernardino Realini deprecante a Deo patrata ferebantur; rebusque omnibus seve- rissimo iudicio ponderatis duo miracula vera atque explorata, habita sunt: ideoque Nos idibus Novembris anno MDCCCXCIV decretum edidimus de eorumdem miraculorum veritate atque ad ulteriora procedi concessimus, quin esset necesse ad alterius miraculi investigationem venire. Illud supererat ut dictae Con- gregationis Cardinales rogarentur num tuto procedi posse cen- serent ad Beatorum honores Bernardino Realini decernendos: iique in generali conventu coram Nobis habito pridie nonas Decembris eiusdem anni tuto id fieri posse unanimi consen- sione responderunt. Nos tamen in re tanti momenti Nostram aperire mentem distulimus, donec fervidis precibus a Patre luminum subsidium posceremus. Quo facto tandem octavo Ka- lendas Apriles huius vertentis anni solemni decreto pronuncia- vimus procedi tuto posse ad solemnem Venerabilis Bernardini Realini Beatificationem. Quae cum ita sint, precibus permoti universae Societatis Iesu, auctoritate Nostra Apostolica harum litterarum vi facultatem facimus, ut idem Venerabilis Servus Dei Bernardinus Realini Societatis Iesu Beati nomine in poste- rum nuncupetur, eiusque corpus et lipsana seu reliquiae, non tamen in solemnibus supplicationibus deferendae, publicae fide- lium venerationi proponantur, et imagines radiis decorentur.