438 Acta Apostolicae Sedis - Commentarium Officiale

risque in contrarium' facientibus quibuslibet. Decernentes praesentes Li t -

teras firmas, validas, atque efficaces semper exstare ac permanere: suosque

plenos atque integros effectus sortiri et obtinere; sicque rite iudicandum

esse ac definiendum, irritumque ex nunc et inane fieri si quidquam secus

super bis a quovis, auctoritate qualibet, scienter sive ignoranter atten-

tari contigerit.

Datum Eomae apud Sanctum Petrum, sub anulo Piscatoris, d ie

X V I I mensis Septembris, an. M D C C C C X X X I , Pontificatus Nostri decimo.

E . C A R D . P A C E L L I , a Secretis Status-

E P I S T O L A E

I

AD EGREGTUM VIRUM MATTHAEUM HAHN, PRAESIDEM CONSILII NÖRIMBER-

GENSIS CONVENTUI L X X CATHOLICORUM E GERMANIA APPARANDO.

PIUS PP. X I

Dilecte fili, salutem et apostolicam benedictionem. - Praeclarum

illud studium, quo catholici e Germania universa in unum quotannis conve-

niunt, ut coram de religiosae ac civilis rei incremento inter sese conferant

consilia, et huic Sanctae Sedi semper fuit gratissimum et nationi isti nobi-

lissimae quam maxime salubre atque frugiferum. Quare nova Nos iucun-

ditate et gaudio perfusi sumus, quum proxime didicimus septuagesimum

eiusmodi congressum, mense Augusto exeunte, sollemni apparatu Norim-

bergae celebratum iri. Plura quidem sunt nec minoris momenti, quae Nobis

conventui bene feliciterque augurantibus afferunt laetitiam. In primisque

peropportuna Nobis ipsa sedes videtur, quam coetibus celebrandis seli-

gere voluistis. Ista enim antiqua Baväriae urbs si commerciis artibusque

adeo exstitit illustris, ut Sacri, quod vocant, Romani Imperii tempore,

Germanicae nationis ornamentum atque thesaurus merito fuerit appel-

lata, non minorem laudem est consecuta ob fortem egregiamque catholicae

Fidei professionem. Nam inde ab suis exordiis vita moribusque sancti Se-

baldi anachoretae resplendere coepit, deinde postea, sancti Ioannis a Capi-

strano salutari eloquentia roborata, eximiam pietatem ac religionem prae

se tulit. H o c sane ii testantur eiusdem urbis cives, qui, multis circa e gremio

Ecclesiae Catholicae discedentibus, non modo genuinam fidem a maioribus

acceptam invicto animo retinuerunt, sed eam quoque in exemplum colue-

runt, ut fortissima virgo Charitas Pirckheimer, ad S. Claram sororum

antistita. H o c etiam confirmant publica civitatis ipsius monumenta, plures