438 MATRICITATIS

nere debuisse ; quibus magis magisque recognita confirmataque esset consuetudo.

Quare etiamsi opponi vellet, conventionem initam carere Apostolica confirmatione, ideoque suis carere viribus, superesse tamen alios legitimos titulos ad coercendam ecclesiam S. Ioan- nis ne iura sua protenderei

Sed neque id opponi posse, prosequebatur Defensor, namque non de iuribus alienandis conventum id temporis fuisse, sed de componenda methodo statuendoque modo, quo se ad invicem haberent ecclesiae in exercitio ss. functionum, ut ordo serva- retur. Quae quidem confirmabat auctoritate Card. De Luca, Misceli, eccles, disc. 37. Hic enim auctor enarrat , controversiam exortam fuisse inter quandam ecclesiam matricem et aliam pa- rochialem cuiusdam civitatis ratione publicarum supplicationum seu processionum : eandemque controversiam pro matrice fuisse pluries definitam a S. C. R. praesertim ob quandam conventio- nem, quae inter utramque ecclesiam ab antiquo firmata fuerat. Quum autem ipse fuisset consultus ab ecclesia succumbente, se impugnandum existimasse conventionis valorem, utpote quae destituta esset Apostolica confirmatione ; namque, ut ipse auctor ait ibid. n. 5, « huiusmodi transactiones super praeeminentiis « aliisque iuribus incorporalibus inter ecclesias vel personas « ecclesiasticas, redolent speciem prohibitae alienationis, atque « cadunt sub dispositionem Extravagantis Ambitiosae, de Rebus « -Eccles, non alienandis, ideoque requiritur cumulative iusta « causa necessitatis vel utilitatis, ac etiam solemnitas Benepla- « citi Apostolici ». Verum idem auctor subiungit : remeciendo ad veritatem, agnoscebam huius motivi fallaciam... quoniam ea re- gula procedit quando fiat concordia vel alter conctractus contra iuris regulam seu dispositionem, adeo ut tollatur vel minuatur ius unius illudque in alterum transferatur. Quod dum agitur de sacris functionibus et processionibus ordinandis locum habere non solet.

Quare, concludebat Defensor, satis fuisse in conventione de qua agimus confirmationem episcopalem. Quod, si nullius valo- ris dici adhuc vellet conventio ob carentiam Apostolicae confir- mationis, lapsus tamen triginta annorum satis esset ad dictum Bene- placitum praesumendum : S. Rota in Vicen. Portionum 1 Iunii 1623 coram Dunoset., et in Romana census 13 Iunii 1665 coram