438 TRANSACTIONIS

Clerico, cuius ipsi patroni sunt. Item certum est firmam stare et totum iuridicum valorem habere hypothecam, iam inde ab anno 1833 inscriptam atque iugiter renovatam ad civilium legum praescripta super bonis constituentibus dotem beneficii.

Eo vel magis quia beneplacitum Apostolicum concedi pro- fecto haud solet, nisi iusta concurrat transigendi causa, sin minus necessitatis saltem evidentis utilitatis Urceol. de trans. q. 23 n. 2 seq. et dum nonnihil ab Ecclesia remittitur, aliquod etiam ac- quiri debet; ne forte fiat ut in Ecclesiam nonnisi detrimentum redundet, tota vero utilitas pro adversa parte quaeratur s. Cong. in Benevent. Beneplaciti 24 Ian. 1829. Quod ex ipsius t ran- sactionis natura colligitur, quae exigit, ut aliquid hinc inde remitti debeat ex Leg. 38 Cod. de transad. Atqui hoc minime verificatur in themate. Fratres enim Gorresio totam ex t ran- sactione utilitatem, et damnum Ecclesia persentiret.

Fortius quia et Missarum onera reducenda essent, quae etiam in posterum de facili evanescere possent, quum incertitudo fundorum, vulgo Consolidato, fugit neminem. Proinde beneficium Clerico quod constituebatur in bonis immobilibus, copiosum et certum fructum reddentibus, per hoc pactum fundaretur in bonis redditus tenuis et incerti.

EA QUAE TRANSACTIONI FAVENT. Altera vero ex parte per- pendendum est: 1. Quod haec transactio, si intimius perspicia- tur, talia constituit quae apprime respondent menti fundatoris ac testatoris. Testator duo intendebat, suffragium animae suae et instructionem fidelium. Iamvero utrique providetur in pro- posita transactione: suffragio animae testatoris per celebratio- nem missarum, instructioni fidelium per praedicationem. 2. Tran- sactio nunc est valde opportuna et verificantur omnes condi- tiones requisitae ad eam rite et legitime ineundam. Sane res- de qua agitur dubia est. Licet enim Beneficium certo adnexa habeat aliqua onera realia, et parochus merito existimet dictam hypothecam firmam stare et habere totum iuridicum valorem, attamen res nunc est vocata in quaestionem et sub iudice lis est. Parochus ipse suam ostendit anxietatem, vocans hanc litem longam, dispendiosam et incerti exitus.