438 MARSORUM

nicorum ad honorem inaudito capitulo petitur, sive quia his canonicis honorariis vox in conventibus et cetera iura ca- nonicalia tribuenda essent. Sane, ut ait Scarfantonius De canon. lib. 1. tit. 14 num. 13, « creatio dictorum cano- nicorum honorariorum non potest fieri* a solo Episcopo, sed in illa est necessarius etiam capituli assensus » et proinde iuxta Bouix De capitulis cap. 16 § 4, « ex admissa ut certa auctorum doctrina sequitur, nominationem canonici ho- norarii vel a solo Episcopo vel a solo capitulo factam inva- lidam remanere et irritam. > Quod constanti praxi S. C. O. docuit, ut eruitur ex millenis resolutionibus a Fulginaten* 26 Februarii 1639 usque ad Oritanam diei 18 Aprilis 1885. In qua postrema integram ac salvam voluit iuris disposi- tionem S. Congregatio, licet ageretur de capitulo ab iniquis gubernii legibus suppresso et in quo proinde canonicorum nu- merus valde imminutus fuerat.

Praeterea inusitatum esset ac ipsi naturae canonicatuum ad honorem omnino contrarium praefatis canonicis vocem in capitulo ac cetera capitularia iuria concedere. Etenim cano- nici honorarii, seu dignitates ventosae, ut loquitur Fagna- nus in, cap. 25 Dilecto de Praeb. n. IO, cum non sint veri canonici in re, sed in sola honorifica nuncupatione, neque- unt habere vocem in capitulo atque alia iura, quae canoniae de sui natura adnexa dicuntur a Card. De Luca De cano- nicis disc. 6 n. 12 et disc. 47 n. 2. Quae magis in the- mate prae oculis videntur habenda, eo quia petita concessio- iura canonicorum adhuc in collegiatis suppressis existentium laedere posset, ac quaestionibus et dissidiis cum fraternae charitatis detrimento viam relaxare.

PETITA INDULGENDA VIDENTUR. E X adverso tamen obser- vari posset postulatum Episcopi Marsorum potius quam ri- gore iuris esse inspiciendum attentis temporum et locorum peculiaribus adiunctis. Siquidem cum Praesul eum finem unice intendat ut divinus augeatur cultus et chorale servitium plu- ribus in ecclesiis reviviscat, atque id obtineri nequeat quin eius preces excipiantur, profecto lex haud videretur urgenda.