438 EX S. G. RITUUM

quo benignius descendit ad ima, perfectius recurrit ad summa g. Porro quum tam excellentem se praestiterit in charitate Dei Ioanna Delanoue, quemadmodum supra demonstratum est, omnino consen- taneum est inferre eam in charitate proximi ..pariter excelluisse. Id. certe uno ore proclamant testes, qui praesertim fidem perhibent de vigente communiter fama huius' virtutis S. D. Sic ex. gr. te- stis VII : u C'est par toutes les bouches et par des gens de toute condition que j 'a i entendu célébrer sa charité vraiment merveilleuse pour le prochain ". - Testis XIV: u Les gens du peuple au mi- lieu des quels je vivais dans ma première enfance, redisaient avec admiration les actes charitables de Jeanne .Delanoue, et répétaient qu'on ne verrait jamais une autre Jeanne Delanoue".

Ut autem constet vulgatam hanc famam veritati congruere, inspiciamus de more breviter et virtutis huius naturam et quomodo multiplices eiusdem partes D. S. impleverit. At quae sit intima natura charitatis, praesertim quatenus proximum complectitur, non aliunde melius putamus apparere posse quam ex accuratissima eius descriptione tradita ab Apostolo gentium: u Charitas patiens est, benigna est. Charitas non aemulatur, non agit perperam, non in- flatur. Non est ambitiosa, non quaerit quae sua sunt, non irrita- tur, non cogitat malum; non gaudet super iniquitate, congaudet autem veritati; omnia suffert, omnia credit, omnia sperat, omnia sustinet ". Superest ut videamus utrum has charitatis notas prae se Dei Famula tulerit. Atqui prae se tubit splendidissime. Nam Charitas patiens est, benigna est, idest facit charitas ut aequo animo toleremus quidquid molesti potest nobis in hoc mundo contingere. Porro de omni molestiarum genere, quo modo nempe eas Ioanna sit perpessa, aptior est sermo in titulo de Fortitudine : nunc de iis molestiis agendum, quas ut proximo benigne faceret, magno animo subiit.

Ubi primum D. S. invitationibus piae Franciscae parens a mundanis curis se convertit ad charitatis opera, nullis laboribus, parcendum esse duxit ut calamitosos egentesque levaret. Satis ha- bebat audire quempiam gravi aliqua necessitate premi ut statim auxiliatum accurreret. Hinc illae excursiones, de quibus diximus, in suburbium, ubi familiae quaedam in stabulis iacebant miserri- mam Ad eas quotidie ventitabat, lintea, panes, nummos in sarcina afferens; itaque nudos vestiebat, moerentes consolabatur, ut vere missus misericordia Dei Angelus videretur. Quominus haec omnia faceret, nec itineris difficultate, nec caeli inclementia, nec neptis