Dispensationis ab irregularitate 439

DISPENSATIONIS AB IRREGULARITATE.

PER SUMMARIA PRECUM.

Die 20 iulii 1878.

Sacerdos Ioseph Petrus P. Dioecesis M. doloris rheuma-

ticis identidem afflictatus, per maiorem anni partem in lectulo

cubare coactus est. Crisi autem finita, tanta nervorum debi-

litate premitur, ut ei impossibile sit toto celebrationis tempore

suis consistere pedibus : propterea Summum Principem adiens

suppliciter expostulavit: ut sibi concederetur haud sedere,

verum identitem altiori inniti sedi, scabelli instar fabrefactae,

et post tergum positae ; quaequae, pro opportunitate, tegi

sacerdotalibus posset indumentis » : animadvertens quod ex

Pontificis benignitate iam privilegio gaudet oratorii privati et

quod solus puer, qui clerici vices gerit, Missae adsit. Duas

dein adduxit causas, ad gratiam obtinendam:

1. Consolationem qua frueretur Missam celebrando, dum

infirmitatem propria impediatur, quominus ad Ecclesiam per-

gat, et Missae adsistat, diebus etiam Dominicis.

2. Auxilium quod sibi obveniret ex Missarum stipendio;

cuius omnino eget pro sua subsistentia.

Vicarius Generalis, pro Episcopo impedito, litteris diei 12

decursi aprilis relationem magistri caeremoniarum transmisit,

subdens quod Oratoris preces dignae sunt ut benigne exci-

piantur ... quod Orator omni re caret, et quod Missarum sti-

pendia illi omnino necessaria sunt, ad vitae tam infelicis sub-

stentationem.

Porro magister caeremoniarum ab Episcopo deputatus,

postquam descripsit fulcrum, cui orator in sacris peragendis

incumberet habet: meo iudicio modum eiusmodi celebrandi nil

praesefert, quod minus deceat, sinitque praescriptas omnes

implere caeremonias ; exceptis genuflexionibus, et integro gyro

ad Orate fratres nec non ad ultimam benedictionem. Ast