QUAESTIO VI.

Utrum solus panis triticeus cum aqua elementari coagulatus sit conveniens materia conversionis in corpus Christi?

Alensis 4. p. q. 32. memb. 4. D. Bonav. hic 2. p. art. 1. q. 4. Riohard. art. 2. q. 1. 2. D. Thom. q. 2. art. 2. et 3. p. q. 74. Suarez ibi tom. 3. disp. 44. ei 45. Bellarm. lib. 4. de Eucharistia, cap. 7. 8. Goccius 2. tom. lib. 6. art. 1.

Ad (a) primam quaestionem patet de consecrat. dist. 2. cap. 1. et cap. Non oportet, et cap. sequenti. Ratio principalis est, quia Christus talem materiam consecrandam instituit, et in signum institutionis tali materia consecranda usus est. Quod etiam panis triticeus, et non alius, habetur de consecrat. distinct. 2. in Sacramento. Et hujus congruentia accipitur ex illo verbo, Joan. 12. Nisi granum frumenti, etc. ubi Christus se grano frumenti comparat. Unde Augustinus ibi: Cum sint multa grana frugum, nulli se comparat, nisi illi. Unde mos coepit Ecclesioe de hoc solo grano confici corpus Domini.

De hac etiam farina triticea aqua elementari coagulata debet panis formari, quia ita supponitur panem illum fuisse formatum,

quo usus est Christus consecran do, nec sufficit pasta, sed panis quia sic constitutum est; et ad omnia est congruentia, quia cun Sacramentum illud sit signun nutrimenti spiritualis, in illis congrue instituitur, quae sunt si gna principalis nutritionis corpo ralis; principale autem nutrimen tum quantum ad cibum est panis triticeus.