442. De sancto Olavo.
Ad Laudes.

1. Martyr Christi sublevatur,
Ad domum reducitur,
Vulnus aqua mox lavatur,
Sanguis aqua nascitur,
Aqua mixta deportatur
Et foris effunditur.

2. Caecus lapsus casu bono,
Aqua tangit pupulam,

Visum capit aquae dono,
Visus perdit maculam,

Christum laudat dulci sono
Laudis videns faculam.

3. Lingua cuidam amputatur,
Et mutus efficitur,

Opem martyris precatur,
Martyr prece flectitur,

Usus linguae reformatur,
Adulescens loquitur.

4. Morbo mulier contracta
Fulta repit baculo,

Inimici fraus abacta
Fracta perit iaculo,

Sana redit languens facta
Regis ab oraculo.

5. Sacerdotis detruneati

Membris truncus vehitur

Locum regis ad beati,
Truncus ibi ponitur,

Restauratur sanitati
Et sospes regreditur.

6. Ergo Christum imploremus
Opem ferre miseris,

Ut tyrannum superemus
Et ministrum sceleris,

Ut in caelis conregnemus
Reducti ab inferis.

7. Sit laus, honor patri Deo.