385. De sancta Petronilla.

Ad Nocturnum.

1. Generat haec discipulas
Exemplo patientiae,
Infirmata dans gratias
Nata obedientiae.

2. In lecto paralytica
Jacens, o nata principis
Apostolorum, filia,
Quam pulchra es in caligis.

3. Discumbentes desiderant
Videre mirabilia,
Ad umbram cujus fuerant
Fugata mala plurima.

4. Ad ipsius et filia

Praeceptum statim sanitas
Consequitur et sedula
Ministrat cum hilaritas.

5. Ad lectum post revertitur,
Quia sic ei expedit,
Infirmanti addicitur
Sanitas, quae plus proficit.

6. Efficitur haec postea
Virgo sana et corpore
Et aliis remedia
Dat sanitatis integrae.

7. Et sic virtute stabili
Fulta intrat ad proelium,
Venit comes, mirabili
Nisu haec vicit impium.

8. Matronas ad se postulat
Mitti, non fortes homines,
Deum interim flagitat
Et habet coeli milites.

9. Qui ipsam et custodiunt
Et adjuvant salubriter,
Ad coelum usque deferunt,
Ubi regnat feliciter.

10. Gloria tibi, Domine,
Qui Petronillam filiam
Tui principis hodie
Induisti laetitiam.