INSTITUTIONIS. 441

de iurep. I. 2 p. 2 q. 7 art. 1 n. 4. Fargna par. 2. can. 9, 19, 1 1 , Rota decis. 91 n. 6 coram Priolo: quod etsi in praesenti themate patronus non variavit pe r se ipsum nominationem, tamen eum- dem die 12 Augusti eam facultatem fecisse Episcopo: quare ni- hil aliud superesse, quam inquirere, an Episcopus hac facultate fuerit usus.

Animadversum autem est in facto, Episcopum iam a die 7 Octobris 1867, cum causa penderet penes S. C. C. suis scriptis declarasse, se accersivisse Iosephum die 22 Augusti, et virtute sibi collatae facultatis comparentem viva quidem voce, non scri- pto instrumento, cumulative nominasse. Porro cum in iure non reperiatur praescripta forma peculiaris ad praesentandum, id fieri posse sive voce sive scriptis, Lotter de re Benef. 1.1 q. 2 n. 36 , Rota decis. 739 n. 14 part. 18 tom. 2 recent, et in Melevilana Be- neficiorum 10 Iunii 1712 §. his, coram Aldrovando. Quamvis au- tem in facto aliquod videretur haberi indicium, quod fortasse huic assertae nominationi viva voce factae opponeretur, constare tamen satis de Episcopi mandato diei 29 Augusti ad Bullas ex- pediendas et dandam possessionem Iosepho : nec non de Bullis iam concinnatis in quibus facta esset mentio praesentationis Io- sephi factae die 22 Augusti.

Hisce autem positis extra controversiam videri, omissa quae- stione de crimine Titio impacto, ius esse Episcopi instituere in Canonicatu quem malit ex duobus cumulative praesentatis, Cap. Cum autem de iurep. ibique Doctores.

Hisce aliisque relatis propositum est resolvendum

D u b i u m

« An et cuius favore institutio danda sit in casu. »

RESOLUTIO S. Congregatio Episc, et Reg. die 19 Februarii 1869 causa cognita respondere censuit : Affirmative, favore illius ex duobus praesentatis, quem Episcopus praeferendum duxerit.

Ex QUIBUS COLLIGES: I. Patronis laicis, quibus ex communi iure conceditur tan-

tum quadrimestre tempus ad praesentandum, facultatem inesse variandi intra idem tempus praesentationem vel alios simul praesentandi.