441

APPENDIX I. *

COMMENTARIUM

In S. R. C. Decretum « Urbis et Orbis » die 14 Augusti 1903, de Missa votiva so- lemni Immaculatae Conceptionis (1).

Summus Pontifex Pius X, ut Christifideles quinquagenariis solemniis dogmaticae definitionis Immaculatae B. M. V. Conce- ptionis rite ac devote celebrandis praeparentur, per Decretum S. R. C. die 14 Augusti 1903 (2) privilegium Missae votivae de Immaculata, necnon per Apostolicas Litteras in forma Brevis die 7 Decembris 1903 (3) peculiares indulgentias sive assisten- tibus piae functioni in honorem B. M. V. Immaculatae quolibet mense peragendae sive etiam ad Urbem Romam peregrinan- tibus, durante integro anno 1904, benigniter concedere dignatus est. Animadversiones nostrae, coeteris omissis, se referunt tan- tummodo ad privilegium Missae votivae de Immaculata, tum in Lectorum commodum tum quia nonnulla, quae hac de re sive dicta sive scripta sunt, minus recta minusve ipsius S. R. C. Decreti tenori conformia nobis videntur. Lectores nostri huius- modi Decretum « Urbis et Orbis », die 14 Augusti 1904, in hoc ipso relumine pag. 58 relatum, reassumere non dedignentur.

1. Sanctissimus D. N. Pius PP. X.... (ita Decretum nostrum)... indulsit ut, decurrente anno, a proximo die festo Immacula- tae Conceptionis B. M. V. computando, die octava cuiusque mensis, vel iustis de causis, Dominica, eam immediate sequente....

Pontifex igitur concessit ut, durante anno 1904, in die VIII. cuiuscumque mensis, vel, aliqua rationabili causa intercedente, in Dominica immediate subsequente, celebretur Missa votiva de Immaculata (4).

Haec Missa est « Gaudens gaudebo », quae prostat sive in- ter Missas, quae uti votivae per annum in fine Missalis notan-

(1) In hoc nostro Commentario exarando prae oculis praesertim habuimus illud,

quod Docl. Petrus Piacenza in Diario « Ephemerides Liturgicae » elucubrava.

(2) Quod relatum fuit in hoc Volumine pag. 58.

(3) Cfr. Acta S. Sedis huius voluminis pag. 315. - 347.

(4) Preces exhibitae fuerunt Sacrae Rituum Congregationi, ut hoc privilegium

Missae votivae de Immaculata, pro decurrente a. 1904 tantummodo valiturum, ad

alios futuros annos in perpetuum extenderetur; sed, usque nunc, quoad sciamus,

ipsae exceptae non fuerunt.