442 Nullitatis renuntiationis et reintegrationis

cooptari inter Patres Missionis, id concessum eidem fuit. Atta- men superior certior factus quod ille aere premeretur alieno aliquam movit difficultatem ; ad quam diluendam P. recursum habuit die 16 decembris 1857 ad SS. Patrem, exposcens gratiam retinendi beneficium saltem pro altero sexennio, ut creditoribus satisfaceret, et matris egestati consuleret. Gra- tiam expetitam haud consequutus, animo non cecidit P. ; sed expoposcit, frustra etiam nunc, ut SSmus Pater resignationem sui beneficii acceptaret, sub nonnullis tamen conditionibus, in favorem Sacerdotis A. qui a supplicante et ab eius admini- stratore rogatus, beneficium huiusmodi exciperet. Interea Emum Archipresbyterum Basilicae Vaticanae, die 20 februa- rii 1858 rogabat, ut suam peroraret causam coram SSmo, eoquod Patres Missionis timentes creditorum molestias, eum- dem excipere renuebant, nisi istam consequeretur gratiam.

Sub die 7 martii aliam dabat Placidus Emo Archipresby- tero epistolam in qua comiter eumdem certiorem faciebat, sese sponte sua, resignavisse beneficium, atque petiisse ad sexen- nium biscentum scutata in aeris alieni extinctionem.

Ex diario Basilicae Vaticanae tantum, noscitur quid inde evenit; nam in illo perlegitur quod, die 20 martii 1868 P. P. suum resignavit beneficium, sussidium expostulans pro una tantum vice ex 1200 scutatis. Sub die autem 23 martii 1858 (legitur eodem in diario) quod SSmus Pater renuntiationem beneficii P. P. excepit, sub conditionibus ab eadem Sanctitate sua constituendis.

Quo peracto, P. inter tyrones dictae Congregationis adscri- ptus fuit, et beneficium tamquam vacans habitum, alteri Sacer- doti collatum fuit die i maii 1858.

Onere gravatus est novus investitus praestandi quotan- nis, dicto P. scutata 80 usque ad annum integrum 1864; hac lege tamen, ut pecunia in manibus administratoris depo- neretur.

Mense septembris eiusdem anni 1858 in saeculum rediit P. Anno 1865 sub die 6 aprilis ex rescripto SSmi: quod pro-