387. De sancto Petronio.
Ad Vesp. et Laudes.

1. Laetetur mens fidelium
Festi redire gaudium,
In quo Petronii merita
Orbi refulgent praeclua.

2. Qui spretae vitae merito
Coeli cubat in solio
Angelica commercia
Lucri mercans inopia.

3. Confessor Christi maximus,
Bononiae episcopus,
Divini verbi gerulus,
In quo vivebat populus.

4. Exemplis atque monitis
Dogma praefixit civibus,
Doctrinae dedit pabula
Gregis tutans ovilia.

5. Qui vegetatus membrulis
Clarus fulsit miraculis,
Quocunque laesos vulnere
Precum sanans malagmate.

6. Sit laus patri cum filio,
Sancto simul paraclito
Beatoque Petronio
In saeculorum saecula.