44£

MASSILIEN. Decretum beatificationis et canonizationis ven. Servae Der Sor. Annae Magdalenae Remuzat sanctimonialis professae ordinis V i - sitationis beatae Mariae Virginis.

SUPER DUBIUM

An sit signanda Commissio Introductionis Causae in casu, et ad effectum de quo agitur?

Massiliae ortum duxit anno 1696 Anna Magdalena Remuzat,,

Sanctimonialis ex Ordine Visitationis Beatae Mariae Virginis.

Conspicua eius virtutum praestantia, praesertim vero admirabi-

lis erga Sacratissimum Cor Iesu pietas ac devotio, nec non ardens

studium in propagando ipsius Divini Cordis cultu, tum in toto

Visitationis Ordine, tum apud Massilienses, praeclaram eidem

sanctitatis famam compararunt. Haec autem sanctitatis fama,

caelestibus quoque suffulta charismatibus atque prodigiis, quae

huiusce fidelis suae Ancillae intercessione a Deo patrata fere-

bantur, post ipsius obitum, qui contingit anno 1730, nedum non

intercidit, sed in dies magis mirifice excrevit. Quare factum est,

ut Rmus Episcopus Massiliensis Inquisitionem super eiusdem

Servae Dei fama sanctitatis vitae, virtutum ac miraculorum Or-

dinaria auctoritate tandem instituerit. Qua rite expleta, et ad Sa-

cram Rituum Congregationem exhibita, Sanctissimus Dominus

Noster Leo Papa XIII benigne indulsit, ut de Dubio signaturae

Commissionis Introductionis Causae praedictae Servae Dei agi

posset in eadem Sacra Rituum Congregatione ordinaria, absque

interventu et voto Consultorum, etsi nondum elapso decennio a

die praesentationis informativi Processus in Actis ipsius Sacrae

Congregationis, Hinc a me infrascripto Sacrae eidem Congrega-

tioni Praefecto Causaeque Relatore, ad instantiam Rmi Dñi Ca-

EX S. CONGREGATIONE RITUUM