446 EX S. G. RITUUM

degavensis Episcopus comprobavit, tum ex aliis capitibus indicant Dei Famulae divinitus inditam prudentiam, tum ex eo, quod ad corporis afflictationes spectat. Has Dei Famula noluit esse ita ma- gnas, quamquam ipsa secundum datam sibi gratiam maximas in se usurpabat; optime spiritus mortificationem anteferens mortifica- tioni corporis, quae quando nimia sit, et valetudini detrimentum affert, et grave humilitati periculum creat.

Miram D. F. prudentiam eius prodebant crebri ad Sorores ser- mones, quibus ad religiosae vitae perfectionem illas provocabat. Licebat enim inde aestimare quam magna polieret et discretione spirituum et scientia vitae spiritualis. Qua in re silentio praeter- eundum non est regulas illas mirabiles quas in Exercitiorum li- bro S. Ignatius Loiolaeus proponit ad spiritus recte discernendos, easdem a Dei Serva et inventas esse et adamussim adhibitas, quin ipsa talem librum unquam perlegisset. Etsi propter amorem humi- litatis et officii intimo erga omnes obsequio erat affecta, attamen si quando ex huiusmodi obsequio existeret periculum aliquod peccati, liberrime refragabatur hominibus ut Deo placeret. Itaque se subdi- tasque personas a Ianseniana lue incorruptas praestitit ; neque ulla ratione adduci potuit ut ecclesiasticis viris haeretica labe infectis se suaque committeret.

Supernaturalis prudentiae fama, qua late vigebat Dei Serva nonnullos ad eam accibat graves viros consilii petendi gratia; in- ter eos accensendus est ipse F. Grennetau, Ioannae nostrae Confes- sarius, qui non semel in causis alicuius momenti ad prudentiam confugit Servae Dei.

CAPUT VIII.

De iustitia. u Iustus, ait S. Ioannes Chrysostomus, omnes virtutes comple-

ctitur; hoc enim nomen consuevimus dicere de iis, qui omnimodam exercent virtutem ". Hoc latissimo sensu si sumatur iustitiae vox, quatenus nimirum denotat adimpletionem omnium legum per aver- sionem cuiusvis moralis mali, per assequutionem boni, iam lucu- lenter patet Dei Famulam iustitia singularem in modum enituisse. Quippe ex supra memoratis habemus compertum, et diligentissime eam praeceptis Dei Ecclesiaeque esse obsecutam, et culpam omnem vehementissime odisse et virtutem amantissime conquisisse. Sed de