446 APPENDIX I.

quam dies VIII. alicuius mensis incidit in huiusmodi festis ; quod nihilominus occurrere potest ex calendario particulari.

Missa votiva Immaculatae Virginis prohibetur quoque in Dominicis I. classis; quod anno 1904 accidit tantum pro iis, qui mense Aprili hanc Missam transferunt in Dominicam proxime sequentem, quae dicitur in Albis et quae est primae classis.

Item, ad mentem Decreti citati de Missis votivis n. 3922 statuentis « in festivitatibus et infra octavas eiusdem Beatae Virginis celebretur Missa festivitatis aut de die infra octavam, tamquam non votiva sed festiva », Missa votiva de Immaculata prohibetur si incidat in aliquod festum B. Mariae Virginis. Hoc durante anno 1904 verificatur die 8 Septembris, in qua incidit festum Nativitatis B. M. V., vel Dominica sequenti, in qua fe- stum eiusdem SSmi Nominis occurrit.

Demum huiusmodi Missa votiva est impedita in feriis pri- vilegiatis, quae, ex Decreto memorato n. 3922 de Missis votivis, sunt Feria IV. Cinerum et Feriae Maioris Hebdomadae ; necnon in vigiliis privilegiatis, quae ex eodem Decreto sunt vigiliae Pentecostes et Nativitatis Domini. Attamen nulla dies VIII. mensis cuiusdam incidit in has ferias vel vigilias privilegiatas. Neque ex hoc alteri coniicere licet dictas exceptiones Missam votivam de Immaculata prohibentes veluti inconsulto consilio positas in nostro Decreto fuisse; Sacra enim Congregatio Rituum, in De- cretis praesertim generalibus, respicit ius in genere, non autem in specie in singulis casibus.

Heic controversia agitatur, num Missa votiva de Immacu- lata sit permissa vel impedita in octavis privilegiatis; de octa- vis autem simplicibus non est nec esse potest quaestio, quum in ipsis Missa haec votiva permissa sit. Sunt qui tenent in octa- vis privilegiatis huiusmodi Missam celebrari posse, hac prae- sertim ducti ratione, quod nempe, citato Decreto de Missis vo- tivis n. 3922, Missa votiva pro re gravi non excluditur in hu- iusmodi octavis. Nos vero contrariam tenemus sententiam, quam veram esse putamus, contendentes Missam votivam de Imma- culata in octavis privilegiatis omnino excludendam esse. Li- benter quidem concedimus adversariis nostris Missam votivam in genere pro re gravi permitti in praedictis octavis privilegiatis, quia in iam multoties memorato Decreto generali de Missis vo- tivis n. 3922 nulla de hac re habetur exceptio, quinimo in fine -eiusdem Decreti aperte legitur « ita quidem ut infra quamcum-