448 MATRIMONII

metus et coactio intercedit; cap. 44 de Spons. Nefarium propterea edixerunt Tridentini Patres in cap. 9 Sess. 24 de Ref. Matr. libertatem matrimonii violare, quia maiorem desiderat libertatis consensum quam caeteri contractus: quare dum isti nonnisi ope exceptionis irritantur, illud ipso iure nullum est, si metu con- trahatur: Duran, in cap. 6 de iure prohibitis, quia ad illud maius et perfectius voluntarium requiritur: Pontius, deimped. matr. caus. 34 quaest. 2 et 3 §. 43 allegans D. Thomam, qui id colligit ex perpetua ratione vinculi matrimonialis, seu ex matrimonii indissolubilitate. Concinit Schmalzgr. lib. 4 part. 4 tit. 4 §. 394. Ex quo concludunt Oratores, matrimonia omnia vi metuque contracta, pontificio iure adeo sunt in se irrita ac nulla, ut nec cohabitatione coniugum, nec ipsa prolis su- sceptione validentur, quamdiu durat causa metus, nec ad per- severandum in eo quisquam cogi potest. Cap. significasti de eo qui duxit etc.

Atqui proprium consensum omnino defecisse in Aloisia susti- nent ob vim et metum ipsi a parentibus illatum, causamque dicti metus constanter perdurasse cum matrimonium promissum, contractum, consummatum et servatum fuit. Id enim aperte fa- tetur actrix in supplici ad s. Sedem pro nullitate oblato libello. Quod autem haec confessio maximi habenda sit ex hoc erui potest, quia petitio ad solam conscientiae suae tranquillitatem facta et iurisiurandi religione fuerit firmata, et quia testes, omni exceptione maiores, una veluti echo, asserunt depositiones Aloi- siae esse omnino fide dignas. Omnes de vi et' metu Aloisiae sub iuramenti fide testantur.

Magis autem magisque vim et metum coalescere certant si factum attendas quo mulier toto nisu matrimonium consummare renuit, et nonnisi quam parentum voluntati cedere coacta fuit. Quare nulli facienda esse edicunt quae tradebat tribunalis N. iudex, scilicet fide dignis testimoniis probatum esse, Mariam ante et in actu matrimonii consensum libere praestitisse; illum- que post matrimonium rénovasse. Nullus enim iudicialis testis invenitur qui contradicat depositionibus patris, matris aliorum- que de familia, quae omnino et prae caeteris attendendae sunt,