448 EX S. G. INDULGENTIARUM

tur ad habitum et professionem Tertii Ordinis saecularis S. Fran-

cisci, quin ad aliquam Congregationem Tertii Ordinis pertineant.

Auctores hac de re tractantes censent quidem praeferendum

esse, ut Tertiarii, qui possunt, alicui Congregationi adscribantur

eique statutis diebus interveniant, propter commoda spiritualia

quae inde consequuntur; simul tamen admittunt vestitiones et

professiones, privatim factas, esse validas, et hanc sententiam

Superiores maiores Ordinis S. Francisci et iamnum tuentur. Post

Constitutionem Misericors Dei Filius, nonnulli Sacerdotes Archi-

dioecesis Mechliniensis hac de re dubitare coeperunt et subest

periculum, ut ex hac incertitudine zelus amplectendi Tertium

Ordinem paulatim tepescat, praesertim apud Sacerdotes qui Ter-

tio Ordini adscripti Congregationibus interesse ra ro possunt.

Quapropter sequens dubium huic S. Congregationi Indulgentia-

rum proponitur:

Utrum valida sit vestitio et professio eius, qui a Sacerdote,

habente facultatem, seiunctim ad Tertium Ordinem saecularem

S. Francisci admittitur, quin alicui Congregationi adscribatur ?

Sacra Congregatio Indulgentiis Sacrisque Reliquiis praepo-

sita, relato dubio, rite perpenso, respondit : - Affirmative.

Datum Romae ex Secretaria eiusdem S. Congregationis die 14 Iulii 1891.

J. CARD. D'ANNIBALE Praef. L. % S.

A. ARCHIEP. NICOPOLIT. Secretarius.