448 APPENDIX IV.

1. Itaque sciendum est, in indulto de quo agitur, nedum fideles et sacerdotes sinenses, sed etiam missionarios europaeos comprehendi.

2. Quamvis hoc indultum a S. Sede concedi ut plurimum soleat Vicariis Apostolicis ad decennium, iidem tamen cavebunt ne dispensa- tionem pro toto simul decennio largiantur, sed iuxta diversorum ca- suum necessitatem de anno in annum per litteras circulares mature transmittendas; quibus missionarii et fideles dispensatione pro anno pro- xime futuro illis concessa praemoneantur.

3. Pro causa dispensationis numquam alleganda erit coincidentia exordientis anni sinensis cum diebus iuxta Ecclesiae leges ieiunio vel abstinentiae consecratis, sed dumtaxat graves difficultates, in quibus ob temporum locorumque circumstantias generatim versantur fideles quoad plenam earumdem legum observantiam.

4. Quo anno contigerit exordium anni sinensis incidere in aliquem diem abstinentiae ante Quadragesimam, fas erit dispensationem conce- dere pro omnibus abstinentiae diebus illo anno occurrentibus a kalendis Ianuarii usque ad initium Quadragesimae, iniuncta tamen missionariis et fidelibus, ad tantam indulgentiam aliquantulum compensandam, obli- gatione servandi eodem anno ieiunium et abstinentiam in pervigilio Desponsationis, aut Purificationis B. M. V. vel etiam cuiuslibet alterius intra annum festi pro prudenti arbitrio singulorum Vicariorum Aposto- licorum. Ii autem diligenter attendent ne pro eiusmodi ieiunio et absti- nentia pervigilium designent, quod cum exordiis anni sinensis occursurum praevideant, atque insuper iubebunt ut in pervigilio quod dictis ieiunio et abstinentiae deputaverint, missionarii et fideles peculiares preces ad- iungant ad Deiparae opem pro rei christianae prosperitate implorandam.

5. In casu coincidentiae exordii anni sinensis cum primis Quadra- gesimae diebus lex abstinentiae et ieiunii ad tres Rogationum dies transferetur. Sciant tamen Vicarii Apostolici non plures ieiunii dies missionariis et fidelibus hoc tempore esse imponendus quam initio Qua- dragesimae (communi lege) observare tenentur, et quoties unius tantum diei ieiunium ob praedictam coincidentiam sit transferendum, satius esse illud remitti ad feriam IV Rogationum seu pervigilium Ascensionis.

Haec sunt quae circa usum memorati indulti S. C. in conventibus pro negotiis Missionum sinensium successive habitis die 5 Iulii 1841, die 3 Octobris 1845, die 3 Augusti 1850 declaranda, seu praescribenda duxit. Quae quidem omnia cum a Gregorio XVI san. record, et re- gnante summo Pontifice Pio IX plene fuerint approbata, haud dubium est quin Vicariis Apostolicis Imperii Sinarum Regnorumque adiacen- tium sedulo diligenterque serventur.