448 APPENDIX I.

Commemoratio Immaculatae Conceptionis B. M. V. ad instar festi duplicis simplifieati.

Modo nonnulla attingenda sunt, quae ad alias Missas pri- vatas pertinent. Et inprimis notandum est privilegium Gomme- mora tionis de Immaculata in hisce Missis privatis persolvendae Summus Pontifex largitus est tantum iis ecclesiis seu oratoriis, in quibus supra memorata pietatis exercitia in honorem B.M.V. Immaculatae quolibet anni 1904 mense peraguntur. Quae Com- memoratio indulgetur, non amplius sub unica conclusione, sed suo loco competenti, inter ipsas Orationes in Missa de die praescriptas, sicut fit de duplici simplificato. Proinde haec Im- maculatae Commemoratio in Missis privatis non solum fieri debet quando Missa solemnis de Immaculata est permissa, sed etiam quando est impedita, ac ipsius Commemoratio fit in unica Missa votivae impeditae locum tenente.

Nihilominus censemus in Missis privatis addi non posse Commemorationem Immaculatae, quum die VIII. mensis vel Dominica sequente occurrat duplex I. classis, quia omnibus compertum est in duplicibus I. classis omitti debere comme- morationem duplicis simplifieati. Nec valet adversariorum obie- ctio, contrarium asserentium, desumpta ex Decreto n. 3365, ubi edicitur quod Collecta ab Ordinario imperata, si revera est pro re gravi, locum habeat etiam in duplicibus primae classis sub unica conclusione; nam, ceteris omissis, Collectae sunt in di- verso ordine ac Orationes, atque hic agitur de privilegio, quod strictam admittit interpretationem.

7 servatis tamen in omnibus Rubricis, nempe Rubricae servari debent in iis omnibus, quae privilegio non compre- henduntur.

D. I. B.