S. Romana Rota

de quorum collatione aliter in concordatis s ta tu tum est: exceptio enim

firmat regulam in contrarium, uti certissimum est. Unde, cum, anno 1663,

sub Alexandro VII, quoddam beneficium minus Capituli Vaticani extra

Curiam per mortem beneficiati in mense reservato et in hebdomada

Capituli vacasset, hoc beneficium obnoxium esse reservationi Regulae IX

Cancellariae decisum est ab illa Congr. particulari , quatuor Praelat is

Romanae Curiae constante, de qua loquitur Riganti, In 1 partem Regu-

lae IX Cancellariae, § 3, n. 25 ; cuius decisionem recepit et firmavit

Alexander VII in suo Motu proprio diei 4 aprilis anni 1664; qui Motus

proprius Regulam IX Cancellariae nullo modo mutavit , aut extendit, sed

t an tum declaravit quoad casum manifeste in ea contentum. Unde cum

idem casus contigisset anno 1671, sub Clemente X, et anno 1701, sub

Clemente XI, idem Motus propr ius Alexandri VII observatus est ; imo

Clemens XI, novo Motu proprio, Alias sicut accepimus, diei 4 maii 1701,

declarans et interpretans dictam Regulam IX Cancellariae, decrevit, ut

etiam pro perpetuis futuris temporibus, quoties idem casus contingeret,

collatio beneficii Summo Pontifici reservata maneret .

I taque quaeri tur ut rum Benedictus XIV, in Const. Ad honorandam,

§ 39, collationem praedictorum beneficiorum, sic, per se, reservationi

Regulae IX subiectorum, Capitulo Vaticano concesserit. Hanc collatio-

nem Capitulo non concessit expresse, ut patet, et hoc est extra contro-

vers iam; quaerendum ergo es t , u t rum hanc collationem concesserit

saltem tacite. Porro haec tacita concessio deduci nequit nisi ex volun-

tate Pontificis ampliandi iura Capituli Vaticani, aut ex formula finali

§ 39 supra reci ta ta: « Salvo tamen nostro et Datariae Apostolicae

« iure, etc. », aut ex amplissimis clausulis in fine Bullae, § 67, appositis,

quibus Pontifex Regulis Cancellariae derogat.

Atqui deduci nequit ex voluntate Pontificis ampliandi iura Capi-

tuli. Initio paragraphi 39, revera declarat Pontifex se iura, facultates

et iurisdictiones Archipresbytero, Capitulo et Canonicis competentia circa

collationem beneficiorum, et circa adminis t rat ionem ecclesiarum Basi-

licae uni tarum, asserere, confirmare et respective declarare et ampliare

velle. Sed dubium est u t rum hoc verbum ampliare respiciat collationem

beneficiorum, aut administrat ionem ecclesiarum Basilicae uni tarum. Imo

probabil ius est ampliationem non respicere nisi administrat ionem eccle-

s ia rum; nam, quoad collationem beneficiorum, Pontifex satis habet appro-

bare et confirmare quod hucusque factum est ; nec ullibi adhibet part i -

culam, qua declaret se velle, quoad hoc, ampliare iura Capituli, au t

supprimere praefatam legem et usum vigentem de reservatione benefi-

ciorum extra Curiam mensibus apostolicis vacantium ; quoad al terum