Scholium.

Ostenso, solum vinum vitis ex uva compressum, esse materiam calicis, ex Christi institutione, ostendit aquam miscendam, necessitate ministri, sed non convertendam in sanguinem, nisi prius convertatur in vinum ; sed non censurat asserentes oppositum, de conversione aquae immediata, ut male faciunt quidam moderni ; quo subtilior et doctior est Scotus. eo modestior et humilior. Illa sententia non caret suis fundamentis, maxime in modo loquendi Patrum, Ambrosii 4. de Sacram. cap. 4. Damasc.lib. 4. c. 14. Paschasii lib. de corp. etsang. Christi, Algeri lib. 1. c. 16. Tenent illam sent. Altisiod. Sum. tract. 5. c. 2. Petr. Soto lect. 14. de Eucharist. Alan. lib. 1. de Eucharistia, cap. 13. Jansen. in Concord. c. 131. ad illa verba: Sic est enim sanguis, Pesantius 3. part. q. 74. art. 8. dist. 2.

Huic (a) autem vino apponere aquam non est simpliciter necessarium de necessitate Sacramenti, quia etiam quando apposita non f. est convertitur in sanguinem, nisi prius sit conversa in vinum, et ita modica est apponenda, et ita tempestive, quod ante consecrationem possit conversa fuisse in vinum. Graeci etiam (b) non apponunt aquam, ut dicit Innocentius de Officio Missae, part. 3. cap. 4. vel 5. Est tamen de necessitate ministri propter praeceptum Ecclesiae, et etiam Christus vinum, cum quo fuit aqua mixta, consecravit, juxta illud Damasceni lib. 4. cap. 14. Christus calicem ex vino et aqua tradidit discipulis suis, dicens : Bibite ex hoc omnes, hic est enim sanguis meus, etc. Congruentia appositionis aquae in vinum est propter mysterium, ut significetur populus uniri Christo, juxta illud de consecrat. dist. 2. Omne : Cum in calice aqua vino miscetur, populus Christo unitur, id est, C0- pulandus significatur per fidem et dignam Sacramenti perceptionem.