452 PLACENTINA

facta, abunde eruitur. Huius vero summae quantitas, cuius receptionis syngrapha nunc amissa fuit, liquet ex iis quae retulit testis Gambazza, quam attenta aetate, moribus et re- ligione nulli suspicioni obnoxium parochus proclamat. Contra quam proinde nec famulatus exceptio valeret, cum, ut docet Pihring Lib. II Tit. De test, et attest., Mascardus De probat. aliique, etiam famulorum testimonia admittenda sunt, cum veritati eorum nihil possit opponi et agatur de re quae intra domesticos parietes acta fuit. Quod si aliati testes in facto solutionis concordes, inter se aliquantulum differunt in mi- noris momenti adiunctis, id minime officit, teste Schmalz- grueber Lib. II Tit. XX § III n. 106: « neque obstat quod in circumstantiis temporis, loci, et aliis discordes sint; concordes sunt enim respectu eiusdem finis. > His autem te- stibus et alios adiungere parochus Sanviti cupiebat, ut res plenius in vado poneretur, ast secunda productio a iudice vetita fuit. Atque hic proinde et suas elevat querimonias, recolens ex iure canonico plures testium productiones per- mitti, scilicet usque dum veritas innotescat. Quod si petitio producendi novos testes, a parocho Sanviti facta fuit post- quam iudex, proprio marte, ad publicationem priorum atte- stationum devenerat, id in eius damnum minime vergere de- beret, cum ulterior testium productio fieri adhuc possit « si non utraque pars in publicationem consenserit, quia publi- catio sic facta non est rite facta et consequenter nulla. > Schmalzgrueber loc. cit.

Verumtamen haec omnia iuxta parochum Sanviti fere ad abundantiam dicta essent, eo quia putat onus probandi Vi- valdio, utpote actori incubuisse, cui oneri cum haud satisfe- cerit, esse locum tritae iuris regulae: « actore non probante reus absolvitur. > Iniuria igitur videretur iuramentum fuisse actori a piacentino iudice delatum, sive quia nulla nec se- miplena probatio ab illo fuerat praestita, sive quia e contra per testes iam factum solutionis probatum fuerat. Quod si testium dicta haud valuissent ad omne dubium a iudicis animo removendum, parocho Sanviti iuramentum deferendum fuisset