Reintegrationis vectigalium 453

haud est ; sub quo nomine veniunt tantum fructus sive reditus,

qui Parocho debentur ; inter quos certo cooptari nequit domus

parochialis. Et ideo taxae domui parochiali impositae, rependi

a proprietario tantum debent, qui in themate Parochus est,

in cuius favore Capitulum proprietatem cessit.

Inani aeque conatu Parochum repetere restitutionem vecti-

galis di ricchezza mobile inhaerentis congruae scut. 45 ; atque

hoc ex duplici ratione. Primo nempe quia Capitulum annuatim

congruam rependendo, pecuniae dominium in Parochum trans-

fert. Secundo quia super eadem congrua, iam praedictam impo-

sitionem di ricchezza mobile atque alias idem Capitulum

persolvit ; quippe quod capitulares reditus, a quibus ipsa desu-

mitur, iisdem subiiciuntur vectigalibus ; et cum duplex vectigal

solvere pro una eademque re summae acerbitatis reputetur,

Rota, in Assisien., Executionis manus regiae, 20 maii 183c,

cor. Marini, § 4, quod gravissimum semper retentum est,

minimeque ferendum, Leg. Interdum, 8, quoties ibique glossa

Dig. de public, et vectig. Const. Consil. 455, num. 3, lib. i ;

manifestum idcirco est, quod tributum di ricchezza mobile per-

solvendum est a Parocho, non vero a Capitulo. Et re quidem

vera, aiunt Canonici, quum 45 scutata persoluta fuerint, e

proprietate Capituli transeunt in Parochi proprietatem ; qui

omnino taxas rependere debet vi possessionis huius. Nimis

enim arduum esset pro Capitulo, si, cum praestiterit Parocho

congruae augmentum, perpetuo deberet eamdem pecuniae vim

integram protueri. Neque praetereundum est, idem Capitulum

varias rependere taxas super fundum a quo 45 scutata trahit,

et hisce non obstantibus persolvit eamdem summam Parocho,

a qualibet immunem diminutione.

Praeterea stipulatione etiam remota, Parochi petitionem

iniustam esse liquet; quia congrua actualis superat limites

congruae a lege civili praefinitae in scutatis annuis 80. Qua-

propter Parochus videretur petere vectigalium redintegrationem,

potius ad lucrum captandum, quam ad damnum evitandum;

idcirco locum non esse huic restitutioni, vectigalium consequitur.