MATRIMONII

ANIMADVERSIONES VINDICIS S. VINCULI. Validitatem controversi

coniugii ex sua parte sacri vinculi vindex propugnaturus, in quatuor capita suas animadversiones disposuit, singulis adversae defensionis paragraphis respondens, atque singula in iisdem pa- ragraphis adducta refutans impedimenta. Et primo quidem de impedimento vis et metus disserens, nullam adnotat adduci va- lidam causam, ' cur Aloisia coniugio cum Iacobo contrahendo repugnaret; non antipathiam, quum eius mater deponat: num- quam prospicere potui in filia neque amoris, neque repulsionis sensus, erga D. Iacobum; non virginitatis amorem, quia de ea servanda numquam cogitavit; non disparitatem conditionis, quia fortuna Iacobi parentes Aloisiae allexit; non disparitatem cultus, quia ipsa deponit: nobilis erat, et numquam me impedivisset quominus meam êxercerem religionem. Una causa oppositionis, si qua fuit, haec erat ; iunior eram, frui adhuc mea cu- piebam libertate; haec tamen oppositio facta est in princi- pio t ractatuum, sed in spatio sex mensium quot fuerunt sequuti , nullam et nemini quidem ipsa patefecit repugnan- tiam.

Remotis causis oppositionis, ipsaque exclusa manifestatione repugnantiae, iam patet nec violentiae locum fuisse; et revera omnino exulavit violentia, profitente muliere; mei parentes nul- lam mihi vim fecerunt ad hoc matrimonium. Sed ab eisdem suasiones et exhortationes adhibitae fuerunt, ut meum darem consensum. Ideoque si sponsa consensit, non cessit violentiae, sed suasionibus et exhortationibus.

Nemo autem umquam somniavit quod persuasiones, cohor- tationes et consilia naturam et malitiam habeant violentiae; ipsa enim non cogunt, sed liberam excitant voluntatem, ut ait Menochius cons. 69 n. 45 « est consilium (auctore M. Tullio » 1. 2 de inv.) aliquid faciendi ratio excogitata. Cum consilium » voluntarium quid sit, sequi nemo cogitur. Idem dicimus de » cohortatione, quae non cogit, sed voluntatem liberam excitat

» c. ult. fin. dist. 4 Quod iuste pater possit suasionibus

» et cohortationibus impedire filio, ne aliquam in uxorem > ducat, manifestum probatur, quia iuste pater suasionibus