454 PLAGENTINA

ut pacifice vivat et sua iura conservet; ne gratiae Supremi Principis omnis effectus adimatur, profecto dicendum est iure repetendi coram iudice quod sibi debebatur Vivaldium minime carere.

Nec maius robur inesse alteri exceptioni videretur, qua parochus Sanviti contendebat Vivaldium non secum, sed cum fabricae consilio conventionem iniisse, ideoque et illud esse ad iudicium vocandum. Nam cum ipse die 20 Februarii 1890 obligationem a se assumptam iudicialiter confessus fuerit, non poterat deinde contrarium asserere iuxta Abbatem in cap. praeterea 7 de testis cogend. quia « confessio in con- tinenti potest revocari non ex intervallo >. Hac autem con- fessione omnia argumenta in contrarium allata penitus de- strui videntur, eo quod « confessio est plenissima probatio, ita ut superet et infringat omnes alias probationes factas per testes et instrumenta in favorem confitentis contrarium. » Schmalzgrueber Part. III Tit. XVIII § 2, Rota in nov. p. 3 decis. 758 n. 2* decis. 191 n. 62 p. 4 tom. 1 de- cis. 157. Ceterum, quidquid sit de iis qui parocho pecuniam ad mercedem capellano persolvendam suppeditabant, quae sa- cerdos Sanviti deduxit nonnisi sponsionem partialem seu cau- tionem consilii fabricae ad summum ostenderent. Quod confir- matur epistola a parocho Vivaldio missa die 2 Febr. 1889.

In vado igitur posita conventione a parocho cum Vivaldio inita, haud inficiandum esset onus probandi factum solutio- nis ad San vitum pertinere. Verum equidem est generatim loquendo probationes ab actore in medium proferendas esse, ast uti egregie tradit Scmalzgrueber loc. cit. tit. XIX § 2, « Si reus opponat exceptionem affirmativam, h. e. si exci- piendo aliquid asserat ex. gr. si petitus solutionem a credi- tore dicat se iam solvisse, tunc suscipit in se onus actoris quoad oppositas a se exceptiones. » Ratio est quia agere -is videtur qui exceptione utitur, et reus, iuxta vulgatum axioma excipiendo fit actor I. agere I. ff. de excep. praescript. etc. Parochum vero in solutionis peractae probatione defecisse placentinus iudex tenuit.