455

TRE VIREN.

DISPENSATIONIS xMATRIMONTI

Die 20 Iulii 1895. Sess. 24 cap. 5 de ref. matr.

COMPENDIUM FACTI. Treveris die 19 Martii 1886 matri- moniali foedere iuxta S. C. Tridentini praescriptiones iun- gebantur Franciscus, in 31 aetatis anno constitutus et Su- sanna 24 annos nata.

Huiusmodi coniugium paucis hebdomadibus, lacrymabi- lem sortitus est exitum. Siquidem, uti asseritur, sponsus a spe perpinguis dotis frustratus, ipsa nuptiarum die irae aestu gravia convicia in uxorem eiusque parentes protulit. Hinc factum est, ut mulier, stupore et horrore simul vehe- menter affecta, prima nocte ac deinceps maritale cubiculum, quo magis poterat, aufugeret. At horror et indignatio Su- sannae , ita aucta est ob impudica verba, minas ac graves saevitias Francisci, ut, transactis fere duobus mensibus a coniugio, se recepit in domum paternam, abscisse protestata, se numquam ad maritum redituram fore.

Tunc Susannae pater a regio tribunali propter ignominias ac viri contumelias civilis matrimonii solutionem petiit, quam facile obtinuit die 20 Novembris 1889.

Praeterlapso non brevi temporis spatio, preces missae sunt Ordinario Trevirensi, ut a Summo Pontifice dispensa- tionem obtineret super matrimonio rato et non consummato.

Statim Episcopus, marte proprio, instauravit processum per suum Ofidcialem, quo absoluto, idem Officialis solemnem tulit sententiam iudicialem, matrimonium in casu mansisse solummodo ratum, adesse legitimas dispensandi causas, ideo- que esse Ordinario consulendum, ut a R. Pontifice petat dispensationem super matrimonio rato et non consummato.

EX S. CONGREGATIONE CONCILII