456 MATRIMONII

sit non collatio, sed ex opposito collatio ipsa sit pro certo admittenda. Et primo quidem sese offert praecisa notitia a Iacobo data, atque ex domestica traditione recepta de suo baptismo, ubi adiungit etiam perspicuam designationem ritus et fidei Methodistarum Episcopalium; sacro namque lavacro se abliitum enunciat die 20 Iulii 1839 ab Episcopo Methodista M. Kandree domi paternae, ubi ille residebat. Huic notitiae adiicienda sunt testimonia quamplurimorum, qui autumant Iacobum baptizatum fuisse.

Hic quidem vehementissima exurgit praesumptio, quae iuxta sacrorum canonum expressiones pro certitudine est habenda, quod natus ex parentibus christianis, atque inter eos conver- satus, baptizatus fuerit, cap. veniens 3 in fin. de presbyt. non baptiz. - ibi - « Et certe de i l lo , qui natus de christianis « parentibus, et inter christianos est fideliter conversatus, tam « violenter praesumitur quod fuerit baptizatus, ut haec prae- « sumptio pro certitudine sit habenda, donec evidentissimis « forsitan argumentis contrarium probaretur. » Conciso sed perspicuo eloquio idipsum confirmant Barbosa hunc textum exponens cit. cap. veniens num. 6 - ibi - natus enim inter christianos praesumitur baptizatus; - necnon Card. Petra in recit. const. num. 26 - ibi - « caeterum quotiescumque quis ortus » est ex parentibus christianis, et educatus inter eosdem, sem- » per baptizatus praesumitur nisi evidentissime contrarium pro- » batur. »

Haec praesumptio eo vel maximum vigorem obtinet quo- niam, Episcopus a quo Iacobus se baptizatum fuisse asserit ante suam promotionem ad supremum pastorem suae sectae, de- claravit retinendum esse baptismum parvulorum i Cum autem iam in longaeva aetate in familia Iacobi commoraretur, gratissimum quidem officium praestabat familiae, infantem tunc ex illis na- tum baptizans. Parentes autem infantis quum inter magis conspi- cuos Methodistarum asseclas numerarentur sine dubio regenera- tionis lavacrum a familiari supremo Pastore praesumendum est sollicitasse.

Nihil autem proficit obiicere quod baptismus Iacobi non est