456 ARIMINEN.

siae tumulatitis. Et sane, iuxta commune ius, omnia fune- rum emolumenta spectarent àd proprium defuncti parochum, qui sacramenta eidem administravit, et funus in sua eccle- sia peragit. Quod si portio aliqua parocho ecclesiae tumu- lantis assignata fuit, haec ei ex privilegio, et nullo alio ex titulo quam ex tumulatione competere poterat. Cum autem post condita publica coemeteria interdictum fuerit, quominus defunctorum cadavera in ecclesiis humo traderentur, hinc etiam huius privilegii ratio desiisse videtur. Ita enim ad rem De Angelis tit. De sepul. lib. 3 Decret, n. 3. «Verum hodie tumulatio in ecclesiis generali modo vetita est, in hac re connivente potestate ecclesiastica cum civili,, et proinde, non habente amplius locum sepulturae electione , inutilia reddita sunt illa privilegia tumulandi concessa ecclesiis non parochialibus. > Itaque in themate cum cadaver haud am- plius 'feratur pro sepultura in aliam ecclesiam seu paroeciam; iam haec haud amplius ius habebit, veluti antea, ad dimi- diam emolumentorum partem assequendam, pro illa huma- tione quae amplius non intervenit. Quandoquidem hoc ius haberi debet ut accessorium ac intime nexum cum iure se- peliendi ; Berardi in Ius eccl. univ. de potest. p>ar. ratione funer. Accessorii autem ea est indoles, ut principalis natu- ram sequatur iuxta illud notissimum iuris principium: «Quae accessionum locum habent, extinguuntur , cum principalis res perempta fuerit. » Cum igitur ex dictis satis constare videatur, modo nullum amplius titulum extare, quo parochus ecclesiae tumulantis illa emolumenta percipiat, dum in prae- sentiarum nec in associatione, nec in funeribus ullam par- tem habet ; videretur omnia prorsus emolumenta cedere de- bere proprio defuncti parocho.

Id autem potiori iure retinendum videretur in casu il- lius, qui tam pro se quam pro suis tumulandis in pubblico coe- meterio sepulchralem arcam comparaverit. Hac enim agendi ratione forsan ostendit, se illam gentilitio sepulchro substi- tuisse. Sicut igitur olim, si quis proprium sepulchrum habens in aliqua ecclesia, aliud deinde alibi elegisset , iam prior