456 TRE VIREN.

Quod cito Episcopus fecit, transmittere omnia processus acta ad Supremum Pontificem, atque valde coniugum preces pro dispensatione commendans. Idque ob duplicem causam; ut scilicet Franciscus, qui tantummodo matrimonium, ut aiunt, civile, interea temporis cum quadam Theresia contraxerat, in facie Ecclesiae matrimonium verum ac ratum inire valeret; infelici vero mulieri Susannae desiderata libertas restitue- retur. Quibus addidit ex hac gratiosa dispensatione nullum umquam scandalum vel offensionem oriri posse.

Disceptatio Synoptica

VOTUM THEOLOGI. Antequam Theologus de merito causae iudicium proferat, praeviam inquisitionem de forma proces- sus esse praemittendam putat.

Et praeprimis observat mirum non esse, quod praeses iu- dicii non fuerit Episcopus vel Vicarius generalis, sed Offi- cialis, qui more illarum regionum septentrionalium a Vicario generali est plane distinctus. Quae consuetudo, ait, quamvis iuri communi videatur esse minus conformis, tamen ex sese est rationabilis longoque usu probata atque a Benedicto XIV, De synod, dioec. 1. III, cap. 3, n. 2, minime reprehensa.

At gravior, inquit, oritur difficultas contra competentiam illius Officialis Trevirensis in hac causa disceptanda et de- finienda. Cum enim agatur de instruendo processu canonico in ordine ad petendam dispensationem super matrimonio rato et non consummato, ut iudex sit competens, toties re- quiritur specialis delegatio Sedis Apostolicae, quemadmodum eruitur iam ex Benedicti XIV Const. « Dei miseratione » § 1 5 , atque multo magis ex responsione S. C. C. ultimo anno Archiepiscopo "Warsaviensi data.

Iam vero in actis iudicialibus huiusmodi specialis dele- gationis nullum habetur vestigium. Quare totus iste pro- cessus, utpote a iudice non competente factus, omni valore est destitutus atque solummodo habet vim informationum extraiudicialium virorum in arte peritorum aut locum sup-