4 5 6 Ex S. C. Concilii

functos, qui in eodem coemeterio sepulturam elegerunt, non designata ab ipso defuncto ecclesia in qua solemnia funeris persolvantur; 2 ° . peregrinos, qui perfunctorie in civitate com- morantur, et ibi moriuntur non electa sepultura, dum ad lo- cum domicilii sui transferri nequeunt.

« Dubitatur an vim legis universalis non habeat decretum S. C. C. in Novarien., diei 22 iunii 1 8 9 5 ( i ) . Sunt qui hanc regulam generalem statutam volunt : quatenus non constat de sepultura legitime electa nec cadaver ad parochiam domi- cilii deferri debet, ius sepeliendi extraneos alibi defunctos spectare in civitate episcopali ad ecclesiam cathedralem, in aliis civitatibus ad ecclesiam primariam; ius sepeliendi extra- neos, qui in ipsa civitate commorantur ibique diem supremum obeunt, pertinere ad ecclesiam parochialem, intra cuius fines existunt domus ubi moriuntur. Ut liti finis imponatur ac ha- beatur norma in posterum sequenda, Sanctitati Tuae infra- scriptus humiliter supplicare praesumit, ut declarare benigne velit, cui competat ius in utroque casu supra memorato, cui non est provisum statutis synodalibus, aut veris et legitimis consuetudinibus, aut peculiaribus ecclesiarum conventionibus, a) si agitur de civitate episcopali, b) si de aliis civitatibus ».

Animadversiones. Relate ad primam quaestionem te- nenda imprimis videtur illorum sententia, qui ius sepeliendi et funerandi in publico coemeterio extraneos alibi defunctos adscribunt Rectori paroeciae, intra cuius fines, vel decessus accidit, vel statio viae ferreae sita est, vel in qua invenitur publicum coemeterium aut etiam per quam evenit transitus feretri ipsius ad coemeterium. Nam caeteri parochi etiam ec- clesiae cathedralis nullum iurisdictionis titulum producere pos- sunt in defunctum extraneum ut eiusdem sepulturam sibi avocent, neque in alieno territorio actum iurisdictionis exer- cere possunt ac multo minus stolam deferre.

( i ) Cfr. Acta S. Sedis, vo l . ¿8, p. 2 33-239.