ARIMINEN. 457

ecclesia amittebat privilegia et iura ecclesiae tumulanti com- petentia ; eadem prorsus ratione videtur hisce in adiunctis ad parochum ecclesiae sepulchralis haud amplius funerum emolumenta spectare.

Q U A E CONSUETUDINI FAVENT. Verum ex adverso videtur in utraque hypothesi parochum tumulantis ecclesiae memo- rato iure destitui non posse : argumenta vero e rationis penu deprompta parvi sunt pendenda, cum ecclesiastica dispositio eisdem opponi valeat. Sane in edictali lege, a s. Congrega- tione a Consiliis anno 1817 lata , qua prohibetur absolute ne quilibet etsi privilegio donatus, vel sepulchro gentilitio utens valeat humare cadavera in Ecclesiis et paroeciis, pa- rochorum iura sarta tectaque manere iussum est. Ibi enim statuitur : salva manere emolumenta parochialia quae sunt constituta, vel ex legitima consuetudine parta, quibus nova dispositio discrimen haud afferre intendit. Insuper constans S. C C mens fuisse videtur, post erecta publica coemeteria nullum praeiudicium iuribus ac privilegiis ecclesiae tumu- lantis intelligi debere illatum. Ideoque tumulandi iure sub- lato , aliud de funerum emolumentis percipiendis superesse adhuc apparet. Imo stricte loquendo , neque ius sepulturae ablatum fuisse , sed locum tantum materialiter ac physice mutatum. Enimvero in una Ariminen. Iuris tumulandi et funeris die 14 Maii 1825 animadvertitur coemeteria, publicae valetudinis causa, subrogata fuisse singularum eccle- siarum sepulturis ; ac proinde ecclesiam, quae iure tumulandi in propriis sepulchris pollebat, nunc expresse statuitur ut ius istud in publico coemeterio valeat exercere , ideoque non sublatum ius sepeliendi, sed variatum fuisse locum. Pariter in Aesina Iuris funerandi * et restitutionis emolumento- rum die 26 Novembris 1864 §. Lata vero* dicitur « Sacra Congregatio erectione coemeteriorum locum sepulturae tan- tum materialiter et physice mutatum retinuit, non vero se- peliendi ius, quod imo integrum mansisse censuit. » Et ita statuit in una Forolivien. 26 Ianuarii 1833* in Portuen. ac Centumcellar. 28 Martii 1835* et in alia Forolivien.