458 Acta Apostolicae Sedis. - Commentarium Officiale

cancellis septum cuius aditus aperitur in territorio suae paroeciae, seu extra moenia hodie diruta, in agro suburbano. Quare formiter iterum quaestio examinata est vertens inter dictum parochum et parochum ad SS. Iosephi et Ignatii et die 21 Maii 1910 editum fuit decretum edicens: « Le tre case situate una in via Castiglione e controsegnata col Num. 96 « (già Num. 21 viale Gozzadini) la seconda in viale Gozzadini Num. 21 « (già 19) e la terza in viale Enrico Panzacchi Num. 7, sono costruite nel- « l'ambito della parrocchia dei SS. Giuseppe ed Ignazio e ad essa le aggiu- « dichiamo e quindi esse sono e vogliamo che siano immediatamente « soggette alla giurisdizione del parroco pro tempore della suddetta « Chiesa dei SS. Giuseppe ed Ignazio; così che a detto parroco spetta « il diritto di esercitare in dette case tutti gli uffici parrocchiali che sono « propri della sua giurisdizione ».

Adversus quod decretum suapte natura et ratione formae iudiciale, appellationem interposuit parochus ad S. Mariae a Misericordia, instan- tiaque ad H. S. Tribunal transmissa est; cum vero inter disputandum dubitatum sit, an Archiepiscopale decretum, in controversia positum, revera esset iudiciale et hinc coram H. S. Ordine ordinario iure res cognosci posset; ad omnem auferendam dubitationem, in audientia diei 18 Iulii 1911, SSmus, referente Revmo Decano dignatus est, quatenus opus esset, negotium committere ut praefatam instantiam seu causam H. S. Tribunal cognoscat et definiat iuxta concordatam dubii formulam.

Quaestio autem proponitur sub hac rogandi formula legitime con- cordata: « An domus de quibus in decreto Archiepiscopali diei 21 Maii 1910 aliaeque aedificatae vel aedificandae in eisdem loci, viae et accessus adiunctis pertineant ad parochiam Misericordiae vel ad respectivas paro- chias urbanas in casu ».

RR. PP. DD. de turno in solutionem questionis ulterius ad factum quod attinet, perpenderunt: 1.° dubii formulam quaestionem movere etiam de parochiis urbanis in genere, quia etsi hodierna quaestio orta sit inter parochum ad S. Mariae a Misericordia appellantem et paro- chum ad SS. Iosephi et Ignatii appellatum, et hisce terminis definita est in curia Archiepiscopali, tamen appellantis procurator in ius voca- vit etiam alios parochos, nempe ad SS. Trinitatis et ad S. Proculi, ut a rei iudicatae effectibus isti non eftugerent et hinc uno iudicio aliae forte exhoriturae, in eisdem terminis, quaestiones praeciderentur. Sane quatenus hodierna quaestio spectat ad domos quoque aedifican- das, requiritur easdem versari in iis loci, viae et accessus adiunctis, quibus versantur domus iam aedificatae et in casu controversae. 2.° Prae- terea appellans sermonem habet etiam de quibusdam domibus in tabu-