458 Absolutionis et dispensationis ab irregularitate

ABSOLUTIONIS

ET DISPENSATIONIS AB IRREGULARITATE.

PER SUMMARIA PRECUM.

Die 25 ianuarii 1879.

Reverendissimus Antistes C. preces Sacratissimo Principi,

quo sospite laetamur, obtulit, haec referens: Clericus Fride-

ricus A. acolythus, quum iustis de causis ab ordinibus sacris

arceretur, litteras dimissoriales, insano abreptus consilio, fal-

sava Ordinarii sui, atque ab Episcopo alieno die 23 februa-

rii 1864 Diaconatum per saltum recipere ausus est. Supplici

dein libello admoto, facti poenitens, obtinuit a S. Poeniten-

tiaria absolutionem a censuris poenisque ecclesiasticis, firma

ei remanente Irregularitate, tam quoad ordines susceptos, quam

suscipiendos. Nunc autem clericus iste, quum probe se gesserit

per annos 17 in servitio paroeciali ecclesiae, dignus videtur

qui ad alios sacros ordines promoveri possit. Hinc quaesivit

Episcopus a S. Sede facultatem tum promovendi ad alios

ordines, tum habilitandi clericum eumdem ad exercitium Ordi-

num iam receptorum.

Disceptatio synoptica.

Ex Cap. i, 2 et 3, De eo qui furtive ordines suscepit, qui

furtive ordinem suscipit, non potest in Ordinibus sic susceptis,

ministrare neque ad alios suscipiendos ascendere: cum hoc

autem male ordinato, si ordinator excommunicationis intermi-

nationem protulerat ante ordinationem contra furtive acceden-

tes, solus Papa dispensare potest. Animadvertendum insuper,

quod ex hoc textu Doctores communiter dicunt, furtive pro-

motum incurrere irregularitatem ipso facto difficilius dispen-

sabilem si facta erat interminato illa: ita Suarez, disp. 42,