458 TRE VIREN.

omnino requiri, ut non desit votum defensoris vinculi actis iudicialibus appositum (cfr. cit. caus. Warsav. et Analect. eccles, vol. II, pag. 257) ultimus defectus in actis huius processus videtur esse notatus ; huiusmodi enim votum de- fensoris matrimonii proprium et formale in actis non repe- ritur, nisi quis breve illud incisum in sententia Officialis, tanquam votum defensoris admittere velit, quo per tran- sennam dicitur consentiente defensore matrimonii illam sen- tentiam latam fuisse.

Quibus quoad processus formam praehabitis : Theologus duplicem quaestionem solvendam sibi proponit; nempe 1) An certis et indubitatis argumentis positive constet, matrimonium in casu non esse consummatum; 2) an sufficientes adsint causae, quae matrimonii istius, forte non consummati, solu- tionem suadeant. Quoad primam quaestionem affirmat deesse in casu validissimum et principale argumentum matrimonii rati et non consummati, videlicet inspectionem corporalem mulieris, qua signa physica inviolatae virginitatis certo exi- stere comprobatur. Etenim primus medicus (Dr. Staub) te- statur, quod in Susanna hymen non amplius existat, imo ne vestigia quidem illius reperiantur, indeque deducit, cer- tum quoddam signum virginitatis, eo quod hymen desit, non iam adesse. Cui assertioni addit, inde tamen certo concludi non posse, Susannam copulam carnalem habuisse, quoniam hymen per masturbationem aut per inquisitionem medicorum, quae de facto intercesserit, potuerit esse destructus.

A quo testimonio Dr. Tanisch in suis depositionibus omnino non differt. Pariter enim fatetur, signa virginitatis in Susanna non amplius existere, item subiungit, quod hymen non amplius adsit.

Tertius denique medicus (Dr. Mittweg), postquam te- status est, quod hymen in parte dextera cicatrices habeat, in parte sinistra recenter laceratus sit (id quod putat ex inquisitione medicorum eo die facta esse derivandum), tandem concludit, in casu secundum scientiam coitum neque affirmari neque negari posse.