TREVIREN. 459

Quae testimonia medicorum cum indubitanter illud pro- bent, ex inspectione corporali absolute nullum argumentum vel leviter probabile repeti posse in favorem non con- summationis matrimonii Susannae, consequitur, quod nullo modo procedi possit ad matrimonii dissolutionem, quia evi- dentissimum esset periculum violandi ius divinum atque so- lutionis plane irritae et nullius momenti.

Medicorum testimonia non modo nullum argumentum praebent inconsummationis matrimonii, sed potius gravem constituunt praesumptionem in favorem consummationis. Etenim matrimonium celebratum, quod sequitur cohabitatio coniugum, non supponitur mansisse ratum, nisi contrarium probetur. Iam in casu nostro genitalia in ea conditione re- perta fuerunt, quae potius consummationem insinuant. Sane destructio hymenis explicari potest cum primo doctore per masturbationem a Susanna ante matrimonium patratam. At mera possibilitas non est argumentum probabile, multoque minus certum. Insuper eo in casu si Susanna huiusmodi pec- catum confiteretur, nulla fides ipsi esset habenda, allegaret enim in proprium commodum suam propriam turpitudinem. Praeterea idem medicus tanquam causam possibilem assignat inquisitionem medicorum, quae ante illud examen in iudicio locum habuit ; sed huius coniecturae nullam affert rationem probabilem. Quare multo naturaliter destructio hymenis in Susanna videtur explicari, quod post matrimonii celebratio- nem illius consummationem tentant. Certe argumenta valde gravia requiruntur, quibus haec praesumptio elidatur. Porro haec argumenta in themate reducuntur ad iuratam asser- tionem utriusque coniugis de matrimonio non consummato et ad testimonium septem testium, qui iuramentum credu- lità tis emiserunt.

Iamvero, prosequitur, tota difficultas in eo versatur, utrum hisce duobus argumentis plane certa an solummodo probabilis habeatur probatio. Assertio autem utriusque con- iugis certam illam probationem non videntur suppeditare ; nequaquam enim testimonia inter se conveniunt. Uxor enim