460

DECRETUM quoad valorem matrimoniorum quando adsit dubium an duo acattolici, sive uterque, sive alteruter fuerit baptizatus.

Eme Prinxeps. - Episcopus Savannensis exponit quod inter ceteros difficilis solutionis casus qui in his foederatorum Americae septentrionalis Statuum ecclesiasticis provinciis, ac in hac quoque mea dioecesi occurrunt, reperitur etiam sequens.

Frequenter contingit, ut duo acatholici inter se contraxerint matrimonium et ignoretur utrum sive uterque, sive alteruter fuerit baptizatus. Eiusmodi matrimoniis inter duos acatholicos , aut sine dispensatione inter catholicum unum et acatholicum alterum, initis in nulla ex dioecesibus nostris obstat impedimentum clandestinitatis. Contracto ita matrimonio, haud raro evenit, ut compars compartem deserat. Post aliquod tempus partes ita separatae non infrequenter ad alias nuptias convolant, superstite altera parte.

Scio equidem casu quod, spectata qualitate probationum pro et -contra, dubitetur num vel alteri vel utrique parti collatum fuerit baptisma, standum esse pro valore matrimonii cum tali dubio ac sine dispensatione contracti, usquedum non constet illud fuisse in- validum ; verum deficientibus ceteris pro utraque parte probationibus, quaero num in ordine ad matrimonii contracti validitatem vel nul- litatem, collatio vel non collatio baptismi, dum ignoratur, ex prin- cipio praesumptionis definienda sit. In dubiis id affirmat bonae mem. archiep. Patr. Henrik ; in theologia enim sua morali (tract. X X I , n. 48) haec habet : u Si de consortis baptismo non constet, nec v certum haberi queat testimonium, in eam propendere-oportet sen- n tentiam de baptismo et matrimonii valore, cui favent indicia et n adiuncta. » Quod si recte ita sentit laudatus Henrick, quaero ulterius utrum dum baptismi collatio ignoratur , principium prae- sumptionis in ordine ad valorem matrimonii contracti, rite appli- cetur in articulis sequentibus :

1. Si pars vel partes acatholicae parentes habuerint ad sectam pertinentes, quae baptismum respuit, hic non est praesumendus.

2. Idem resolvendum, si parentes habuerint pertinentes ad se- ctam quae infantium baptismum non admittit , seu in qua non confertur nisi adultis v. g. annum aetatis trigesimum iam adeptis, quemadmodum res se habet in secta Baptistarum,

EX S. CONG. S. R. U. INQUISITIONIS