460 T REVIREN.

ad quaestionem: « Num maritus tuus tecum copulam tentavit et quoties? » respondet: « Numquam. Id enim mihi non fuit possibile propter tractationem ». Cum denuo ab uxore quae- reretur, num membrum virile mariti semel vel iterum saltem ex parte in ipsius vaginam cum aliqua seminis virilis effu- sione penetravit, in actis iudicialibus ad quaesitum praecisum et distinctum non legitur accuratum responsum uxoris ad verbum datum, sed tantum brevis et obscura responsio : ex quo erui posse videtur quod vel ipsum tentamen copulae locum non habuit, etiam partialis executio coitus non ex- stitit. Instante iudice : « Num marito tuo sponte vel invita copulam permisisti? Num in actu (coniugali) situm conve- nientem adoptasti, sin minus, num hoc consulto an per im- peritiam accedit, » denuo in actis idem legitur responsum : « Numquam ». Quae responsio ipsa verba uxoris non vi- detur referre, sed potius abbreviationem quandam extensoris actorum iudicialium, sed ut constat ex cit. instr. S. C. C. ipsae responsiones partium examinatorum ad verbum sunt scribendae, non abbreviationes quaedam et summariae.

Quid iam pro sua parte respondet maritus? Ad-questio- nem : « Num statim post matrimonii celebrationem (cum uxore) mensam et thorum communem habuisti, » maritus respondet inter alia: « Dormivimus simul in eodem lecto, postquam ipsa per horam id facere recusavit. Tentavi actum coniugalem, sed rem efficere non potui : 1) quia apertura vaginae fuit nimis arcta ; 2) quia ipsa hernia laborabat ». Quaestioni, hisce verbis conceptae : « Num unquam efficere potuisti, ut membrum tuum virile in vaginam uxoris pe- netraret? » idem maritus respondet: « Nunquam. Tentavi tamen decies vel vicies ». Denique ad quaesitum: « Num uxor tua sponte vel coacta copulam permisit » in actis le-

.gitur responsum mariti: « Tantum coacte ». Quae responsa mariti imprimis assertionibus uxoris ma-

nifeste sunt contraria. Susanna aperte negat vel ipsum ten- tamen copulae, at maritus, tentamen factum esse sine am- bagibus fatetur, imo, decies vel vicies tentamen fuisse repe-